નવી દિલ્હી:સમગ્ર વૈશ્વિક ટેક્નોલોજી જગત, આર્ટિફિશિયલ ઇન્ટેલિજન્સ (AI) ના પ્રસાર અને ભવિષ્યની માનવજાતને હચમચાવી દેતો, કાળજું કંપાવી દેતો અને કાનમાંથી ધુમાડા કાઢી નાખે તેવો અતિશય વિસ્ફોટક તથા પિશાચી કિસ્સો સામે આવ્યો છે! દુનિયાભરના વિજ્ઞાનીઓ, ટેક જાયન્ટ્સ અને સંશોધકોએ ગંભીર ચેતવણી ઉચ્ચારતા જણાવ્યું છે કે જો સમયસર આર્ટિફિશિયલ ઇન્ટેલિજન્સ (AI) ની બેકાબૂ શક્તિઓને કંટ્રોલ નહીં કરવામાં આવે, તો આ રાક્ષસી ટેક્નોલોજી સમગ્ર માનવજાત અને પૃથ્વી પરથી માનવ અસ્તિત્વનો કૂચડો બોલાવી દેશે.

સંયુક્ત રાષ્ટ્રસંઘની સુરક્ષા પરિષદમાં એઆઈ અને આંતરરાષ્ટ્રીય સુરક્ષા બાબતે ચર્ચા યોજાઈ હતી. એમાં એઆઈથી માનવજાતને ખરેખર કેટલો અને કેવો ખતરો છે તેની જાણકારી એઆઈ કંપનીના સીઈઓ પાસેથી મેળવવામાં આવી હતી. એઆઈ કંપનીઓના માલિકો, સંચાલકોએ સ્વીકાર્યું હતું કે એઆઈ માનવજાત માટે ભવિષ્યમાં ખતરનાક સાબિત થશે. એન્થ્રોપિકના સીઈઓ ડારિયો એમોડેઈએ કહ્યું: જો યોગ્ય રીતે ઉપયોગ ન થયો તો એઆઈ માનવજાત માટે પણ જોખમી સાબિત થઈ શકે છે. ચેટજીપીટીના સર્જક સેમ ઓલ્ટમેને પણ એઆઈના સંભવિત ખતરા સામે ચેતવણી આપી કે ભવિષ્યમાં આપણે એઆઈ ટેકનોલોજી પરથી કાબૂ ગુમાવી શકીએ છીએ. આ બંને દુનિયાની ખૂબ શક્તિશાળી એઆઈ કંપનીઓના સીઈઓ છે. તેમણે યુએન સુરક્ષા પરિષદના સભ્યોને કહ્યું કે બધા દેશોએ, સંયુક્ત રાષ્ટ્ર સાથે મળીને એઆઈ માટે એક સુરક્ષિત વાતાવરણ બનાવવું પડશે. એવી પૉલિસી ઘડવી પડશે કે જેનાથી એઆઈની ટેકનોલોજી કાબૂ બહાર ન જાય. એક્સએઆઈના સ્થાપક અને દુનિયાના સૌથી ધનવાન ઉદ્યોગપતિ ઈલોન મસ્કે ૧૫ સભ્યોની સિક્યુરિટી કાઉન્સિલ સામે ઓપિનિયન આપ્યો કે સાથે મળીને એઆઈની ઝડપ ઘટે તેવા પ્રયાસો કરવાની જરૂર છે. જોકે, આ એઆઈ કંપનીના સંચાલકોએ એવું પણ કહ્યું હતું કે એઆઈ માનવજાતને ઉપયોગ થઈ શકે છે. જો તેનો નિયંત્રિત ઉપયોગ કરવામાં આવે તો તે ઉપયોગી ટેકનોલોજી છે. બ્રિટનના ફોરેન સેક્રેટરીએ જણાવ્યું હતું કે આ ટેકનો-એક્સપર્ટે જણાવ્યું કે દુનિયા પર આફત આવતી હોય તો તેને રોકવાનું કામ આ ટેકનોલોજી પર છોડી શકાય તેમ નથી. માનવજાતે ખુદ એનો રસ્તો કરવો જોઈએ. તેને નિયંત્રિત કરીને ઉપયોગ થાય તેવી ગ્લોબલ પૉલિસી બનાવવી જોઈએ.