નવી દિલ્હી:યુરોપના વિકસિત દેશોમાંથી સ્માર્ટ ટેકનોલોજી અને ઈન્ટરનેટ સાયબર સિક્યોરિટીની પોલ ખોલતો એક અત્યંત ચોંકાવનારો, ખૌફનાક અને સનસનાટીભર્યો કિસ્સો સામે આવ્યો છે! યુરોપના દેશોમાં લોકોના ઘરોમાં વપરાતા હાઇ-ટેક અને ઇન્ટરનેટથી કનેક્ટેડ 'સ્માર્ટ ફ્રિજ' ને શાતિર હેકર્સે પોતાનો શિકાર બનાવ્યા છે.

સ્વીડનની કૂપ કંપનીએ મીડિયાને જણાવ્યું હતું કે અમારા છ સ્ટોર પર આ અસર જોવા મળી હતી, કંપનીઓએ જણાવ્યું હતું કે રાત્રીના સમયે અચાનક જ તમામ ફ્રીઝરના તાપમાનમાં મોટો ફેરફાર થયો હતો, અને ૫૦ ડિગ્રી સુધી પહોંચી ગયું હતું. આ પહેલા પણ ફ્રાન્સમાં આ જ પ્રકારના હુમલા થઇ ચુક્યા છે જેમાં અનેક સુપરમાર્કેટના હજારો ફ્રિજને ટાર્ગેટ કરવામાં આવ્યા હતા. તાજેતરમાં ફ્રિજ પર સામૂહિક સાઇબર હુમલાની આ બીજી ઘટના છે.
સોમવારે બેલ્જિયમ, લક્ઝમબર્ગમાં સુપરમાર્કેટ ચલાવનારી કંપનીઓ અહોલ્ડ ડેલાઇઝ અને કોલરૂઇટે જણાવ્યું હતું કે રાત્રીના સમયે કંપનીની કૂલિંગ સિસ્ટમ પર સાઇબર હુમલો કરવામાં આવ્યો હતો. અચાનક જ તાપમાનમાં વધારો કરી દેવામાં આવ્યો હતો. બેલ્જિયમન રેફ્રિજરેશન કંપની સબકોબેલેના સાઇઓએ જણાવ્યું હતું કે આ એક સાઇબર હુમલો હતો, અમારી કૂલિંગ યુનિટના ઇવેપોરેટરને ડીફ્રાસ્ટ મોડમાં નાખી દેવામાં આવ્યું હતું, જેને કારણે કૂલિંગ સિસ્ટમ જ ઠપ થઇ ગઇ હતી અને તાપમાન વધી ગયું હતું. કંપનીઓના જણાવ્યા મુજબ એક સાથે અનેક ફ્રિજનું તાપમાન વધી જતા મોટું નુકસાન પણ થયું છે.