નવી દિલ્હી:વૈશ્વિક સ્તરે સાઈબર આતંકવાદ અને હેકિંગની હદો વટાવતી એક અત્યંત ચોંકાવનારી, ખૌફનાક અને રુંવાડાં ઊભા કરી દેતી ઘટના સામે આવી છે! ફ્રાન્સના એક અતિ-સંવેદનશીલ મેડિકલ સેન્ટર અને બ્લડ બૅંકની ઓનલાઈન નેટવર્ક સિસ્ટમમાં આંતરરાષ્ટ્રીય સાઈબર હેકર્સે ગેરકાયદેસર ઘૂસણખોરી કરી હતી.

કોલ્ડ સ્ટોરેજમાં દર્દીઓને ચડાવવા માટે બ્લડમાંથી અલગ કરેલા પ્લાઝમા ચાલવવામાં આવ્યા હતા. એમાંથી દવા પણ બનતી હતી. કયા દેશના હેકર્સે કે હેકર્સના ગુ્રપે આ કારસ્તાન કર્યું છે તેની જાણકારી હજુ મળી નથી. અગાઉ ફ્રાન્સ, નેધરલેન્ડ, બેલ્જિયમ, સ્વીડન, આયર્લેન્ડ, ફિનલેન્ડ જેવા આઠ-દસ યુરોપિયન દેશોના સુપરમાર્કેટમાં ફ્રીજરનું તાપમાન ૫૦ કરી દેવાયું હતું. આઠ-દસ દિવસના અંતરે જ બબ્બે વખત યુરોપમાં હેકર્સે સુપરમાર્કેટને ટાર્ગેટ કરતાં ડેરી પ્રોડક્ટ સહિતની કેટલીય ચીજવસ્તુઓ બગડી જવાનો ખતરો સર્જાયો હતો. એ ઘટનાના થોડા દિવસમાં જ ફ્રાન્સના બ્લડ બેંકના કોલ્ડ સ્ટોરેજને નિશાન બનાવાતા બીજા દેશોમાં પણ બ્લડ બેંકના કોલ્ડ સ્ટોરેજની દેખરેખમાં સાવધાન રહેવાની સલાહ આપવામાં આવી છે.
આ સાઈબર હુમલામાં એઆઈનો ઉપયોગ થયો છે કે નહીં તે બાબતે કોઈ સ્પષ્ટતા થઈ નથી. પરંતુ સાઈબર એક્સપર્ટ્સ ચિંતા વ્યક્ત કરી રહ્યા છે કે જો આવા હુમલામાં એઆઈનો ઉપયોગ શરૂ થયો હશે તો દુનિયામાં અંધાધૂંધી સર્જાશે અને હેકર્સ જરૂરી ચીજવસ્તુઓના સ્ટોરેજને આ રીતે ટાર્ગેટ કરીને મોંઘવારીનો વિસ્ફોટ કરશે.