નવી દિલ્હી:વિશ્વના ત્રણ સુપરપાવર દેશો વચ્ચેથી સમગ્ર માનવજાતના હોશ ઉડાડી દેતો, અરેરાટી બોલાવી દેતો અને કાળજું કંપાવી દેતો એક અત્યંત ચોંકાવનારો અને કાળમુખો ધડાકો સામે આવ્યો છે! અત્યાર સુધી જમીન, સમુદ્ર અને આકાશમાં લડાતા યુદ્ધની કાળમુખી સરહદો હવે અનંત અંતરિક્ષ (Space) સુધી પહોંચી ગઈ છે. અમેરિકાએ પૃથ્વીની નીચલી અને ઉપલી કક્ષા (Earth's Orbit) માં અત્યાધુનિક પિશાચી હથિયારો અને ગ્રાઉન્ડ-ટુ-સ્પેસ મિસાઈલ સિસ્ટમ તૈનાત કરી દેતાં જ રશિયા અને ચીન કાળમુખા એલર્ટ મોડ પર આવી ગયા છે.

અંતરિક્ષમાં હથિયારો મોકલવાની અને તેને નિયંત્રિત કરવાની આ રેસ નવી નથી. વર્ષ 1957માં રશિયા દ્વારા 'સ્પુતનિક' લોન્ચ કરવામાં આવ્યા બાદથી જ અમેરિકા અને મોસ્કો વચ્ચે સેટેલાઇટ નષ્ટ કરવા અને હથિયારો મોકલવાની હોડ શરૂ થઈ ગઈ હતી. વર્ષ 1967માં 'આઉટર સ્પેસ ટ્રીટી' પર હસ્તાક્ષર કરવામાં આવ્યા હતા, જેના દ્વારા ઓર્બિટમાં મોટા પાયે તબાહી મચાવતા હથિયારો પર પ્રતિબંધ મુકવામાં આવ્યો હતો.

આ કરાર અને પ્રતિબંધો હોવા છતાં અમેરિકા, ચીન અને રશિયા આ સંધિથી બહાર રહીને અંતરિક્ષમાં યુદ્ધની નવી પદ્ધતિઓ વિકસાવી રહ્યા છે. વર્તમાન સમયમાં સેટેલાઇટ મિલિટરી કોમ્યુનિકેશન, સર્વેલન્સ અને નેવિગેશન માટે અત્યંત મહત્ત્વપૂર્ણ માનવામાં આવે છે. યુદ્ધ જેવી પરિસ્થિતિમાં દુશ્મન દેશના સેટેલાઇટને નિશાન બનાવીને તેને નિષ્ક્રિય કરી શકાય છે.