નવી દિલ્હી:ધનતેરસ  અને દિવાળીના પાવન અવસરમાં માતા લક્ષ્મીજીની પૂજા માટે જ્યારે આપણે ઘરમાં રાખેલા ચાંદીના વાસણો, દીવા, મૂર્તિઓ કે સિક્કા બહાર કાઢીએ છીએ, ત્યારે હવાની અસરથી તે એકદમ કાળા પડી ગયા હોય છે. આ કાળા પડેલા ચાંદીના વાસણોને ચમકાવવા માટે લોકો સોનીની દુકાને જઈને ભારેખમ મજૂરી અને ચાર્જ ચૂકવવા મજબૂર બને છે. પરંતુ હવે તમારે સોની પાસે જવાની કે ચિંતા કરવાની જરાય જરૂર નથી, માત્ર ૫ મિનિટમાં ઘરમાં જ ચાંદીને ચમકદાર બનાવવાની આ સનસનાટીભરી અને કારગર રીત જાણી લો

• બેકિંગ સોડા અને એલ્યુમિનિયમ ફોઇલની કમાલ: એક મોટા વાસણમાં ગરમ પાણી લો અને તેમાં એક ટુકડો એલ્યુમિનિયમ ફોઇલ (Aluminum Foil) નાખો. હવે તેમાં ૨ ચમચી બેકિંગ સોડા (મીઠો સોડા) નાખીને કાળા પડેલા ચાંદીના વાસણો કે સિક્કાને ૫ મિનિટ માટે તેમાં મૂકી રાખો. સોડા અને એલ્યુમિનિયમની રાસાયણિક પ્રક્રિયાથી ચાંદી પર જમેલી કાળી પરત તુરંત જ ગાયબ થઈ જશે!
• ટૂથપેસ્ટની જાદુઈ ટ્રીક: સાદી સફેદ રંગની ટૂથપેસ્ટને ચાંદીના વાસણ પર લગાવીને થોડીવાર માટે સૂકવવા દો. ત્યારબાદ હળવા હાથથી સોફ્ટ બ્રશ કે કાપડથી ઘસીને પાણીથી ધોઈ લો, ચાંદી સોના જેવી ચમકી ઉઠશે.
• લીંબુ અને મીઠાનો પ્રયોગ: અડધા લીંબુ પર થોડું મીઠું છાંટીને તેને કાળા પડેલા ચાંદીના વાસણ પર ઘસવાથી વર્ષો જૂનો મેલ અને કાળાશ પલકવારમાં દૂર થઈ જાય છે.

જો તમે રોજિંદા જીવનમાં કે પૂજામાં ચાંદીના વાસણોનો ઉપયોગ કરતા હોવ તો કેટલીક બાબતોનું ધ્યાન રાખવું જરૂરી છે:

● ગ્લવ્ઝ પહેરીને સફાઈ: રોજિંદા વપરાશમાં લેવાતા ચાંદીના વાસણો સાફ કરતી વખતે હાથમાં પાતળા ગ્લવ્ઝ પહેરવા હિતાવહ છે, કારણ કે હાથનું કુદરતી તેલ અને પરસેવો ચાંદીના વાસણોને ઝડપથી કાળા પાડે છે.

● પૂજા સામગ્રી તરત હટાવો: પૂજા દરમિયાન ચાંદીની થાળી કે વાટકી પર ફૂલ, કંકુ કે ચંદન પડે તો તેને સુકાવા દેવાને બદલે તરત જ સાફ કરી લો, જેથી તેના કાયમી ડાઘ ન પડે.

● બ્રશનો યોગ્ય ઉપયોગ: વાસણોની ઝીણી કોતરણી કે એવી ખૂણાવાળી જગ્યાઓ જ્યાં કપડું સરળતાથી ન પહોંચી શકે, ત્યાં સફાઈ માટે સોફ્ટ ટૂથબ્રશનો ઉપયોગ કરવો જોઈએ.