નવી દિલ્હી :રશિયા અને યુક્રેન વચ્ચે લાંબા સમયથી સળગી રહેલા ભીષણ યુદ્ધના મોરચેથી માનવતાને હચમચાવી દેતો, કાળજું કંપાવી દેતો અને કાનમાંથી ધુમાડા કાઢી નાખે તેવો અતિશય વિસ્ફોટક, લોહીયાળ તથા પિશાચી કિસ્સો સામે આવ્યો છે! યુક્રેનની સેનાએ રશિયાના અત્યાચારી હુમલાઓનો ખાત્મો બોલાવવા અને પોતાની ધરતી બચાવવા માટે અતિ-આધુનિક ટેકનોલોજીનો સહારો લઈને એક આખી 'આર્મી ઓફ રોબોટ્સ' (Army of Robots) યુદ્ધના મેદાનમાં સટાકથી ઉતારવાની ઘાતક જાહેરાત કરી દીધી છે, જે મિનિટોમાં દુશ્મનોનો ખાત્મો બોલાવી દેવાની પિશાચી ક્ષમતા ધરાવે છે.

ફેડોરોવના જણાવ્યા અનુસાર, આ પહેલમાં માત્ર એક પ્રકારના હ્યુમનોઈડ્સનો ઉપયોગ કરવાની જગ્યાએ એઆઈ આધારિત સિસ્ટમ્સ, રોબોટિક વ્હીકલ્સની સાથે હ્યુમનોઈડ્સને જોડવાનો છે. રોબોટ્સનો ઉપયોગ દારુગોળો અને અન્ય હથિયારો પહોંચાડવા, ઘાયલ સૈનિકોને બહાર કાઢવા, માઈન સંબંધિત કામગીરી માટે કરવામાં આવશે. આ પહેલ માટે ટારગેટ પણ નક્કી કરવામાં આવ્યું છે. જેમાં, ૬ મહિનાની અંદર હ્યુમનોઈડ રોબોટ પહેલા રશિયન સૈનિકને મારે તે લક્ષ્યાંક રાખવામાં આવ્યો છે.
૧૨ મહિનાની અંદર ડ્રોન્સની મદદથી સંપૂર્ણપણે હ્યુમનોઈડ્સ દ્વારા હુમલાનું ટારગેટ નક્કી કરવામાં આવ્યું છે. આ પહેલા ફેડોરોવે આર્મી ઓફ ડ્રોન્સ પ્રોગ્રામ લોન્ચ કર્યો હતો. જે બાદ યુક્રેને રશિયા વિરૂદ્ધના અભિયાનમાં ડ્રોન્સનો આક્રમક રીતે ઉપયોગ કર્યો હતો. યુક્રેન માટે આ નવી ટેકનોલોજી નથી. યુક્રેનની ડિફેન્સ મિનિસ્ટ્રીએ ૨૦૨૬ની શરૂઆતથી અત્યાર સુધી ૨૨,૦૦૦થી વધુ અનમેન્ડ ગ્રાઉન્ડ વ્હીકલ્સ માટે કરાર કર્યો છે.