નવી દિલ્હી: ચીનના એક પ્રખ્યાત પ્રાણીસંગ્રહાલય (Zoo) દ્વારા પ્રવાસીઓની ભીડ વધારવા અને અસલી પ્રાણીઓની અછતને પહોંચી વળવા માટે 'રીંછ' ના વેશમાં એક્ટિંગ કરી શકે તેવા માણસોની ભરતી કરવા માટે વાર્ષિક ૧૪ લાખ રૂપિયાના તોતિંગ પગારની જાહેરાત કરવામાં આવતા વૈશ્વિક સ્તરે ભારે હાસ્ય અને આશ્ચર્યનો માહોલ સર્જાયો છે. ઇન્ટરનેશનલ વાયરલ ટ્રેન્ડ્સ ઓડિટ, ચાઇનીઝ થીમ પાર્ક એન્ડ ઝૂ મેનેજમેન્ટ વિજિલન્સ ડેસ્ક રિપોર્ટ મુજબ, આ નોકરી મેળવનાર વ્યક્તિએ દિવસ દરમિયાન રીંછની જેમ ચાર પગે ચાલવું, પાછળના પગે ટટ્ટાર ઊભા રહી પ્રવાસીઓ સામે હાથ હલાવવો અને સોશિયલ મીડિયા રીલ્સ માટે પોઝ આપવાના રહેશે. અગાઉ પણ ચીનના વિવિધ ઝૂમાં કૂતરાઓને કલર કરીને પાંડા તરીકે અને માણસોને રીંછ તરીકે રજૂ કરાતા પ્રવાસીઓએ હોબાળો કર્યો હતો, પરંતુ હવે વહીવટીતંત્રે આ કલાકારોને પ્રોફેશનલ જોબ પ્રોફાઇલ હેઠળ હાયર કરવાનું નક્કી કર્યું છે.

રીંછનું કોસ્ચ્યુમ પહેરી તેની નકલ કરવનું કામ કરવાનું છે અને આ માટે વાર્ષિક ૧૪ લાખ રૂપિયાનું પેકેજ આપવામાં આવશે. મીડિયા અનુસાર હેનાન પ્રાંતનાં લુઓહે શહેરમાં આવેલ લુઓહે પ્રાણી સંગ્રહાલયે ૧૩ જૂને નોકરીની જાહેરાત પાડી હતી.આ જાહેરાતમાં રીંછનું કોસ્ચ્યુમ પહેરી પ્રાણી સંગ્રહાલયમાં ફરવા તથા લોકો સાથે રીંછની જેમ ઇશારાઓમાં વાત કરવા માંગતા યુવાનો પાસેથી અરજી મંગાવવામાં આવી છે. જાહેરાતમાં એક શરત મૂકવામાં આવી છે અને તે શરત એ છે કે આ વ્યકિતને સમગ્ર દિવસ ચૂપ રહેવુ પડશે અને માણસનાં અવાજમાં એક પણ શબ્દ બોેલવાનો નથી. આ નોકરીની જાહેરાત સોશિયલ મીડિયામાં ખૂબ જ વાયરલ થઇ છે. આ જાહેરાતમાં આ નોકરી માટે અનેક રસપ્રદ શરતો અને ગાઇડલાઇન દર્શાવવામાં આવી છે. આ જાહેરાતમાં જણાવવામાં આવ્યું છે કે ઉમેદવારની ઉંમર ૧૮ વર્ષથી વધારે હોવી જોઇએ અને તે તંદુરસ્ત હોવો જોઇએ. આ નોકરીમાં છ કલાકની શિફ્ટ હશે. મહિનામાં ચાર રજા આપવામાં આવશે. એક કડક શરત એ મૂકવામાં આવી છે કે રીંછ બનનાર વ્યકિત પ્રાણી સંગ્રહાલયમાં મુલાકાતે આવનાર વ્યકિત સાથે માનવીય ભાષામાં વાત કરી શકશે નહીં. જો કે ઇમરજન્સીમાં આ શરતનાં પાલનમાંથી મુક્તિ આપવામાં આવી છે.