ગોપાલ ગિરી, લખીમપુર-ખેરી તા.૧૮: સોમવારે સવારે ૭:૩૦ વાગ્‍યે લખીમપુર ખેરીમાં એક માર્ગ અકસ્‍માતમાં દસ લોકોના મોત થયા. એક ઝડપી ટ્રક સામેથી આવતી મેજિક વાન સાથે અથડાઈ. તેમાં બે મહિલાઓ સહિત કુલ ૧૦ લોકો સવાર હતા. આ અકસ્‍માતમાં બધાના મોત થયા.

ટક્કર એટલી ગંભીર હતી કે મેજિક વાન લપસી ગઈ અને ૧૦ ફૂટ દૂર અટકી ગઈ. મુસાફરોને માથામાં ઈજા થઈ. એક વ્‍યક્‍તિનો ચહેરો સંપૂર્ણપણે ફાટી ગયો હતો. લોકો સીટો વચ્‍ચે ફસાઈ ગયા હતા. બે લોકો રસ્‍તા પર પટકાઈ ગયા હતા. નજીકના લોકો ઘટનાસ્‍થળે દોડી ગયા, પોલીસને જાણ કરી અને બચાવ કામગીરી શરૂ કરી.

પોલીસ ઘટનાસ્‍થળે પહોંચી અને એક ઘાયલને નજીકની હોસ્‍પિટલમાં લઈ ગઈ, જ્‍યાં તેનું પણ મોત નીપજ્‍યું. પ્રત્‍યક્ષદર્શીઓએ જણાવ્‍યું કે મેજિક વાન લખીમપુરથી સિસૈયા જઈ રહી હતી. બહરાઇચ તરફથી આવી રહેલા ટ્રકે તેને સામસામે ટક્કર મારી હતી. ટ્રક ઝડપથી દોડી રહી હતી અને અચાનક કાબુ ગુમાવી દીધો હતો. અકસ્‍માત બાદ ડ્રાઇવર ઘટનાસ્‍થળેથી ભાગી ગયો હતો.

પોલીસે મૃતદેહોને કબજે લીધા છે અને પોસ્‍ટમોર્ટમ માટે મોકલી આપ્‍યા છે. આ અકસ્‍માત જિલ્‍લા મુખ્‍યાલયથી ૪૦ કિમી દૂર પીલીભીત-બસ્‍તી હાઇવે પર અદલીસપુર ગામ નજીક થયો હતો