મહારાષ્ટ્રના રાયગઢ જિલ્લામાં ઝેનિથ ધોધમાં પાણીનું સ્તર અચાનક વધી જતાં ૧૦૦ પ્રવાસીઓ ફસાયા હતા; તેમને દોરડાની મદદથી બચાવાયા હતા. નાલાસોપારામાં રસ્તાઓ પર પાણી ભરાઈ જતાં ૨૦ કાર ડૂબી ગઈ હતી. મુંબઈમાં ૬૪ વૃક્ષો પડી ગયા હતા અને આઠ ઘરોની દિવાલો ધરાશાયી થઈ હતી.

દેશના અનેક રાજ્યોમાં ચોમાસાએ વેગ પકડ્યો છે. મહારાષ્ટ્રના રાયગઢ જિલ્લામાં ઝેનિથ ધોધમાં પાણીનું સ્તર અચાનક વધી જતાં ૧૦૦ પ્રવાસીઓ ફસાયા હતા; તેમને દોરડાની મદદથી બચાવાયા હતા. નાલાસોપારામાં રસ્તાઓ પર પાણી ભરાઈ જતાં ૨૦ કાર ડૂબી ગઈ હતી. મુંબઈમાં ૬૪ વૃક્ષો પડી ગયા હતા અને આઠ ઘરોની દિવાલો ધરાશાયી થઈ હતી.

મુંબઈમાં વૃક્ષો પડવાની અલગ અલગ ઘટનાઓમાં બે લોકોના મોત થયા હતા. દિલ્હી-એનસીઆર ક્ષેત્રમાં રવિવારે હવામાનમાં અચાનક પલટો આવતા ભારે પવન અને વરસાદ પડ્યો હતો. ગુજરાતના જૂનાગઢમાં અનેક વિસ્તારોમાં ચાર ફૂટ સુધી પાણી ભરાઈ ગયા હતા જેના કારણે રસ્તાઓ પર હોડીઓનો ઉપયોગ કરવો પડ્યો હતો. ભાવનગરમાં એક કાર પાણીમાં તણાઈ ગઈ હતી.

બિહારમાં ચોમાસું સક્રિય છે. કોસી નદીના પાણીના સ્તરમાં અચાનક વધારો થતાં ધોવાણ શરૂ થયું છે. રવિવારે ખાગરિયા જિલ્લાના શિશ્વા ગામમાં ભારે ધોવાણને કારણે નદીમાં છ ઘરો ડૂબી ગયા હતા, જ્યારે ઘણા અન્ય ઘરો ધરાશાયી થવાનું જોખમ છે.

ભારે વરસાદને કારણે નવી મુંબઈના સીબીડી બેલાપુરમાં મેટ્રો પિલર પાસે ભૂસ્ખલન થયું હતું, જેના કારણે માટી અને પથ્થરો રસ્તા પર ઢળી ગયા હતા. કાટમાળ દૂર કરવાની કામગીરી ચાલુ છે અને ખારઘર તરફ જતો ટ્રાફિક ડાયવર્ટ કરવામાં આવ્યો છે. કોઈ ઈજાગ્રસ્ત થયાના અહેવાલ નથી. અધિકારીઓ જણાવે છે કે પરિસ્થિતિ પર નજર રાખવામાં આવી રહી છે, અને વધુ વિગતોની રાહ જોવાઈ રહી છે.

રવિવારે મુંબઈમાં ભારે વરસાદ અને ભારે પવનને કારણે છત્રપતિ શિવાજી મહારાજ આંતરરાષ્ટ્રીય એરપોર્ટ પર કામગીરી પ્રભાવિત થઈ હતી. પ્રતિકૂળ હવામાનને કારણે રનવે કામગીરી લગભગ એક કલાક માટે સ્થગિત કરવી પડી હતી. આ સમયગાળા દરમિયાન ઈન્ડિગોની ચાર ફ્લાઇટ્સ રદ કરવામાં આવી હતી જ્યારે વિવિધ એરલાઇન્સની 13 આવનારી ફ્લાઇટ્સ નજીકના એરપોર્ટ પર ડાયવર્ટ કરવામાં આવી હતી. ત્યારબાદ ડાયવર્ટ કરાયેલી બધી ફ્લાઇટ્સ મુંબઈ પરત ફરી હતી.