વોશિંગ્‍ટન,તા.૧૫: અમેરિકામાંથી હાલ અમેરિકન સિટીઝન્‍સનું જ પલાયન શરૂ થયું હોય તેવી સ્‍થિતિ જોવા મળી રહી છે. જીવનનિર્વાહનો વધતો જતો ખર્ચો, હેલ્‍થકેર એક્‍સપેન્‍સિસ તેમજ દેશની રાજકીય સ્‍થિતિને કારણે અમેરિકા છોડનારા લોકોની સંખઅયા વધી રહી છે. બોસ્‍ટન ગ્‍લોબ નામના એક અખબારના જણાવ્‍યા અનુસાર ૨૦૨૫માં ૧.૮૦ લાખ જેટલા અમેરિકન્‍સ દેશ છોડી ચૂક્‍યા છે અને આ આંકડો પાછલા કેટલાય દાયકાના સર્વોચ્‍ચ સ્‍તરે પહોંચી ગયો છે.

આ ટ્રેન્‍ડ એ પણ દર્શાવી રહ્યો છે કે હવે કઈ રીતે અમેરિકાના લોકો દેશની બહાર નવી જિદગી જીવાની તકો શોધી રહ્યા છે. દુનિયાભરના લોકો ભલે અત્‍યારસુધી ક્‍વોલિટી લાઈફ જીવવા માટે અમેરિકા જતા હતા પરંતુ હવે અમેરિકન્‍સ બેટર અપોર્ચ્‍યુનિટીઝ, અફોર્ડેબલ લાઈફસ્‍ટાઈલ અને ક્‍વોલિટી લાઈફ માટે બીજા દેશો તરફ નજર દોડાવી રહ્યા છે.

બોસ્‍ટન ગ્‍લોબના ટ્રાવેલ રાઈટર ક્રિસ્‍ટોફર મર્થરનું આ અંગે એવું કહેવું છે કે કેટલા લોકો યુએસ છોડી રહ્યા છે તેનો ચોક્કસ આંકડો મેળવવો ઘણો મુશ્‍કેલ છે કારણકે અમેરિકાની સરકાર આવા લોકોના કોઈ સત્તાવાર આંકડા જાહેર નથી કરતી. જે લોકો પોતાની સિટીઝનશિપ છોડે છે તેવા લોકોની જ માહિતી સરકાર પાસેથી મળી શકે છે, પરંતુ બીજા કોઈ દેશમાં શિફટ થઈ ગયા હોય તેમાંથી મોટાભાગના અમેરિકન્‍સ ડ્‍યૂઅલ સિટીઝનશિપમાં વધારે રસ ધરાવતા હોય છે જેથી તેમનો આંકડો મેળવવો મુશ્‍કેલ બની રહે છે. જોકે, ફોરેન ગવર્મેન્‍ટ્‍સ પોતાની હદમાં રહેતા અમેરિકન સિટીઝન્‍સનો ડેટા રાખતી હોય છે અને આ ડેટા અનુસાર હાલ અમેરિકાની બહાર રહેતા હોય તેવા યુએસ સિટીઝન્‍સની સંખ્‍યા ૮ મિલિયન જેટલી થાય છે.

જે કારણોસર યુએસ સિટીઝન્‍સ બીજા દેશોમાં શિફટ થઈ રહ્યા છે તેમાં પોલિટિક્‍સ ટોપ પર આવે છે. ૨૦૧૭થી આ ટ્રેન્‍ડમાં વધારો જોવા મળ્‍યો હતો અને ત્‍યારથી દર વર્ષે અમેરિકામાંથી એક્‍ઝિટ લેનારા લોકોની સંખ્‍યા વધી રહી છે. રાજકીય વિખવાદ ઉપરાંત વધતો સામાજિક તણાવ અને દેશ જે દિશામાં આગળ વધી રહ્યો છે તેનાથી ચિતિત અમેરિકન્‍સ બીજા કોઈ દેશમાં પહોંચી જાય છે.

જોકે, પોલિટિક્‍સ સિવાય ઈકોનોમિક પ્રેશર પણ આ પ્રકરણમાં મહત્‍વનો ભાગ ભજવે છે. અમેરિકામાં હેલ્‍થકેરના ખર્ચા વધી રહ્યા છે, એજ્‍યુકેશન સિસ્‍ટમ ખૂબ જ મોંઘી બની રહી છે અને અન્‍ય ફોરેન કન્‍ટ્રીઝની સરખામણીએ જીવનનિર્વાહનો ખર્ચો ખૂબ જ વધારે આવતો હોવાથી પણ સસ્‍તામાં સારી લાઈફસ્‍ટાઈલ જીવવા માટે લોકો દેશ છોડી રહ્યા છે.

યુએસ છોડનારામાં રિટાયર્મેન્‍ટ લાઈફ જીવતા લોકોની સંખ્‍યા પણ સારી એવી છે, કારણકે તેમના માટે અબ્રોડ મૂવ થવું ફાઈનાન્‍શિયલી પ્રેક્‍ટિકલ ડિસિઝન છે. દુનિયાના ઘણા દેશો ખાસ્‍સી સસ્‍તી હેલ્‍થકેર સિસ્‍ટમ ઓફર કરે છે, ત્‍યાં હાઉસિગની કોસ્‍ટ પણ અમેરિકાથી ઓછી ઓછી છે અને ડેઈલી એક્‍સપેન્‍સ પણ યુએસની સરખામણીએ ખાસ્‍સા અફોર્ડેબલ છે. રિટાયર્મેન્‍ટ સેવિગ્‍સ અથવા ફિક્‍સ ઈનકમ પર જીવતા અમેરિકન્‍સ મર્યાદિત આવકમાં પોતાના દેશ કરતાં સસ્‍તી લાઈફસ્‍ટાઈલ ઓફર કરતા દેશોમાં વધારે સારી રીતે રહી શકે છે.

જે દેશોમાં અમેરિકન્‍સ શિફટ થઈ રહ્યા છે તેમાં યુરોપના દેશો ટોપ પર આવે છે. ખાસ તો સ્‍પેન, પોર્ટુગલ, ઈટાલી અને સધર્ન ફ્રાંસમાં અમેરિકન્‍સની સંખ્‍યા વધી રહી છે. આ ઉપરાંત કેટલાક દેશો ગોલ્‍ડન વિઝા પ્રોગ્રામ્‍સ દ્વારા ફોરેન માઈગ્રેશનને પ્રોત્‍સાહન આપી રહ્યા છે જેનાથી વેલ્‍ધી ફોરેનર્સ લોકલ ઈકોનોમીમાં ઈન્‍વેસ્‍ટ કરી રેસિડેન્‍સી કે પછી સિટીઝનશિપ પણ મેળવી શકે છે.

જેમકે, પોર્ટુગલ એક એવો દેશ છે કે પ્રોપ્રટી અને બિઝનેસમાં રોકાણ કરનારાને રેસિડેન્‍સી ઓફર કરે છે. યુરોપના અન્‍ય દેશો અને લેટિન અમેરિકામાં પણ આ પ્રકારની ઈમિગ્રેશન સિસ્‍ટમ અસ્‍તિત્‍વમાં છે. જોકે, વિદેશીઓની સંખ્‍યામાં મોટો વધારો થતાં કેટલાક દેશોમાં લોકલ હાઉસિગ માર્કેટ પર પ્રેશર સર્જાયું છે. જેમકે, સ્‍પેનમાં રેસિડેન્‍સીની ડિમાન્‍ડ એટલી વધી ગઈ હતી કે તેણે ગોલ્‍ડન વિઝા પ્રોગ્રામ પર કાપ મૂકવો પડ્‍યો હતો