તા. ૨ સપ્ટેમ્બર ર૦ર૬ વિક્રમ સંવત ર૦૮૨ શ્રાવણ વદ – ૬ બુધવાર
ઉત્તર પ્રદેશમાં ૧૪ જિલ્લામાં ૪૮ કલાકની અંદર ૩૫ એન્કાઉન્ટર
ઝીરો ટોલરન્સ નીતિ હેઠળ સઘન અભિયાન હાથ ધરાયું
ઉત્તર પ્રદેશમાં ગુનેગારોની સામે પોલીસે ફરી એક વાર મોટું અભિયાન છેડ્યું છે. છેલ્લા બે દિવસમાં રાજ્યના અલગ-અલગ ૧૪ જિલ્લાઓમાં ગુનેગારો અને પોલીસ વચ્ચે ૩૫ એન્કાઉન્ટર થયાં હતાં. એમાં ૩ આરોપીઓ ઢેર થઈ ગયા હતા, જ્યારે ૩૬ આરોપીઓ ઘાયલ થયા હતા. આ એન્કાઉન્ટરમાં કુલ ૬૦થી વધુ શંકાસ્પદોની ધરપકડ કરવામાં આવી હતી. ઉત્તર પ્રદેશના ડિરેક્ટર જનરલ ઓફ પોલીસ (DGP) રાજીવ કૃષ્ણએ કહ્યું હતું કે ‘આ કાર્યવાહી રાજ્ય સરકારની ઝીરો ટોલરન્સની નીતિનો હિસ્સો છે અને આ જ રીતે સંગઠિત અપરાધો સામે અભિયાન ચાલુ રહેશે. ૬ અને ૭ મે દરમ્યાન મુઝફફરનગર, મથુરા, હરદોઈ, બરેલી, વારાણસી, અમેઠી સહિત કુલ ૧૪ જિલ્લાઓમાં એન્કાઉન્ટર થયાં હતાં. નેશનલ ક્રાઇમ રેકોર્ડ્સ બ્યુરો (NCRB)માં ગુનાખોરીનો દર એક લાખની વસ્તીએ ૧૮૦.૨નો નોંધાયો છે.
(3:31 PM IST)
છેલ્લા 8 દિવસમાં સૌથી લોકપ્રિય 
