<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 10th May 2024

રાહુલ ગાંધી સરકારી બસમાં મુખ્‍યમંત્રી સાથે મુસાફરી કરતા જોવા મળ્‍યા

રાહુલ ગાંધીએ ગુરૂવારે તેલંગાણામાં રાજય પરિવહન નિગમની બસમાં મુસાફરી કરી : બસમાં મુસાફરી કરી રહેલા લોકો સાથે વાત કરી અને આ દરમિયાન સીએમ રેવંત રેડ્ડી પણ તેમની સાથે હતા

નવી દિલ્‍હી,તા. ૧૦: લોકસભા ચૂંટણી પ્રચાર દરમિયાન કોંગ્રેસ નેતા રાહુલ ગાંધીએ ગુરુવારે રાત્રે તેલંગાણાના ગ્રેટર હૈદરાબાદમાં એક જનસભાને સંબોધી હતી. આ પછી રાહુલ ગાંધીએ સ્‍ટેટ રોડવેઝ બસમાં મુસાફરી કરી અને તેમાં મુસાફરી કરી રહેલા મુસાફરો સાથે વાતચીત કરી. બસમાં સવાર મુસાફરો પણ રાહુલ ગાંધીને તેમની વચ્‍ચે જોઈને આヘર્યચકિત થઈ ગયા હતા.

બસમાં રાહુલની સાથે રાજયના મુખ્‍યમંત્રી એ રેવંત રેડ્ડી પણ હતા. મલ્‍કાજગીરી લોકસભા મતવિસ્‍તારના સરૂરનગરમાં જાહેર સભાને સંબોધિત કર્યા પછી રાહુલ તેલંગાણા સ્‍ટેટ રોડ ટ્રાન્‍સપોર્ટ કોર્પોરેશન (TSRTC)ની બસમાં સવાર થયા. આ દરમિયાન રાહુલ ગાંધીએ મુસાફરોમાં ‘પંચ ન્‍યાય' બ્રોશરનું વિતરણ કર્યું હતું અને રાજયમાં કોંગ્રેસ સરકાર દ્વારા મફત બસ મુસાફરી યોજનાના અમલીકરણ અંગે લોકો પાસેથી માહિતી લીધી હતી.

મુસાફરો સાથે વાતચીત કરતી વખતે, રાહુલ ગાંધીએ કોંગ્રેસ દ્વારા તેના રાષ્ટ્રીય ઢંઢેરામાં મહિલાઓ, યુવાનો, ખેડૂતો અને કામદારો જેવા વિવિધ વર્ગો માટે આપેલા વચનોથી વાકેફ હતા. રાહુલ ગાંધીને તેમની સાથે મુસાફરી કરતા જોઈને મુસાફરો આヘર્યચકિત થઈ ગયા હતા અને ઘણાએ તેમની સાથે સેલ્‍ફી લીધી હતી.

આ પહેલા એક જાહેર સભામાં પોતાના ભાષણમાં રાહુલ ગાંધીએ ફરી એકવાર ભાજપ પર બંધારણને તોડી પાડવાની યોજનાનો આરોપ લગાવ્‍યો અને તેની રક્ષા કરવાની પ્રતિજ્ઞા લીધી. તમને જણાવી દઈએ કે ચોથા તબક્કા હેઠળ તેલંગાણાની તમામ ૧૭ લોકસભા સીટો - આદિલાબાદ, પેદ્દાપલ્લી, કરીમનગર, નિઝામાબાદ, ઝહીરાબાદ, મેડક, મલકાજગીરી, સિકંદરાબાદ, હૈદરાબાદ, ચેવેલ્લા, મહબૂબનગર, નાગરકુર્નૂલ, નાલગોંડા, ભુવનગીરી, વારંગલ, મહાબુબાદ. અને ખમ્‍મામમાં મતદાન થવાનું છે.

(10:53 AM IST)