<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 10th May 2024

વડાપ્રધાન નહીં ,તેઓ 21મી સદીના રાજા છે, જેને કેબિનેટ, સંસદ અને બંધારણ સાથે કાઈ લેવાદેવા નથી: રાહુલ ગાંધી

લખનૌમાં આયોજિત રાષ્ટ્રીય સંવિધાન પરિષદને સંબોધિત કરતી વખતે કોંગ્રેસના નેતા રાહુલ ગાંધીએ પીએમ મોદી પર આકરા પ્રહારો કર્યા: તેમણે કહ્યું કે પીએમ મોદી 21મી સદીના રાજા છે. અભણ રાજા પણ કામ ચલાવી લ્યે છે કારણ કે તે લોકોની વાત સાંભળે છે. પરંતુ તેઓ કંઈ સાંભળતા નથી.

નવી દિલ્હી :કોંગ્રેસના પૂર્વ અધ્યક્ષ રાહુલ ગાંધીએ લખનૌમાં રાષ્ટ્રીય સંવિધાન પરિષદને સંબોધિત કરી હતી. અનામત, બંધારણ, ઈડી, સીબીઆઈ પર બોલતા તેમણે પીએમ મોદી અને ભાજપ પર આકરા પ્રહારો કર્યા હતા.

  તેમણે કહ્યું કે પીએમ મોદી 21મી સદીના રાજા છે. તેમને બંધારણ, કેબિનેટ અને સંસદ સાથે કોઈ લેવાદેવા નથી. તેની પાછળના બે-ત્રણ ફાઇનાન્સરો પાસે સંપૂર્ણ સત્તા છે. અભણ રાજા પણ કામ કરાવે છે કારણ કે તે લોકોની વાત સાંભળે છે. પરંતુ તેઓ કંઈ સાંભળતા નથી. તેમના તમામ નેતાઓ કહી રહ્યા છે કે તેઓ અનામત ખતમ કરશે.

   રાહુલ ગાંધીએ કહ્યું કે, હું કહું છું કે તમે ક્યારેય અનામત નાબૂદ નહીં કરી શકો. તેઓ (ભાજપ) બંધારણ, આરક્ષણ, સેના,પર હુમલો કરી રહ્યા છે... સત્ય એ છે કે હું જનતાનો અવાજ છું. આગળ શું કરવું તે પ્રશ્ન ઉભો થાય છે. સૌથી પહેલા ભારતની સામાજિક વાસ્તવિકતા દેશ સમક્ષ રજૂ કરવી પડશે. કોઈને દુઃખ ન આપો, કોઈને ધમકાવશો નહીં

   કોંગ્રેસ નેતાએ કહ્યું કે જનતાના દરેક વર્ગને તેમની ભાગીદારી વિશે જાણ કરવી પડશે. CBI અને EDએ મારી 55 કલાક પૂછપરછ કરી. તે પૂછપરછ દરમિયાન શું થયું... મેં ED ઓફિસરને કહ્યું કે તમે વિચારી રહ્યા છો કે તમે મને અહીં બોલાવ્યો છે. આ તમારી ગેરસમજ છે. હૂં આવ્યો છું. તમે જાણો છો કે હું શા માટે આવ્યો છું. હું જોવા માંગુ છું કે દેશની લોકશાહીને કોણ મારી રહ્યું છે.

   તેમણે કહ્યું કે પીએમ મોદી 90 ટકા વસ્તી વિના દેશને સુપર પાવર કેવી રીતે બનાવશે. શું આપણે તેને 10 ટકાના આધારે બનાવીશું? જો આપણે સુપર પાવર બનાવવો હોય તો 90 ટકા લોકોએ ભાગ લેવો પડશે. સંસ્થાઓમાં RSSના લોકોને ભરવા, પૂછ્યા વગર અગ્નિવીર યોજના લાગુ કરવી, ED અને CBIનો દુરુપયોગ... આ બંધારણ સાથે ચેડાં છે. પીએમ હવે અદાણી અને અંબાણી ને યાદ કરી રહ્યા છે અને કહી રહ્યા છે મને બચાવો. પરંતુ સત્ય એ છે કે તેઓ પણ બચાવી શકશે નહીં.

    સંબોધન દરમિયાન કોંગ્રેસ નેતાએ કહ્યું, મેં મારા પિતા અને દાદીના મૃતદેહો જોયા છે. કેટલાક લોકો એવા છે કે જેઓ સવારે ઉઠે છે, વીડિયો બનાવે છે, તેમને જવા દો, પરંતુ કેટલાક લોકો એવા છે કે તેઓને ખબર છે કે તેમને શું કરવાનું છે. હું જાણું છું કે મારે શું કરવાનું છે. મારે ભારતના લોકોને ન્યાય આપવો છે. 

  રાહુલે કહ્યું કે બે પ્રકારના લોકો હોય છે. પ્રથમ, જેઓ આખી જિંદગી સત્તા પાછળ દોડતા રહે છે. પણ સત્ય સ્વીકારતા નથી. તેઓ માત્ર શક્તિ જ જુએ છે. બીજા પ્રકારના લોકો સત્ય જુએ છે અને સ્વીકારે છે. આ લોકો વિવિધ સમાજમાંથી આવ્યા હતા. આંબેડકર જી, ગાંધીજી, પરિયાર જેવા લોકોએ સત્ય સ્વીકાર્યું. 

  સૌથી મોટું સત્ય બંધારણ છે. આવા ઘણા લોકો છે જેમના વિશે લોકો આજે પણ જાણતા નથી. પરંતુ આ બધા લોકો બંધારણ માટે લડ્યા. સંસ્થાઓમાં જાતિની ભાગીદારી પર બોલતા રાહુલ ગાંધીએ કહ્યું કે 200 કંપનીઓની યાદી જુઓ… તમને ખબર પડશે કે તેમાં કોણ કોણ છે.

(7:37 PM IST)