મુંબઈ :લોકસભા ચૂંટણીમાં ભાજપને મહારાષ્ટ્ર અને ઉત્તર પ્રદેશમાં સીટોનું જોરદાર નુકસાન થયું છે. આવી સ્થિતિમાં યુપી ભાજપના પ્રદેશ અધ્યક્ષ ભૂપેન્દ્ર ચૌધરીએ રાજીનામું આપવાની ઓફર કરી છે. મહારાષ્ટ્રના નાયબ મુખ્ય પ્રધાન દેવેન્દ્ર ફડણવીસ રાજીનામું આપવાના અને રાજ્યમાં NDAના ખરાબ પ્રદર્શનની જવાબદારી લેવાના નિર્ણય પર અડગ રહ્યા. મહારાષ્ટ્રમાં ચૂંટણી પરિણામો બાદ દેવંદ ફડણવીસ રાજીનામું આપવા પર અડગ હતા, પરંતુ અમિતભાઈ  શાહે તેમનું રાજીનામું સ્વીકારવાનો ઈન્કાર કરી દીધો છે.

  શાહે ફડણવીસને સરકારમાં તેમનું કામ ચાલુ રાખવા કહ્યું છે. હકીકતમાં, ભૂતપૂર્વ મુખ્ય પ્રધાન ફડણવીસ શિવસેનાના એકનાથ શિંદે જૂથ અને અજિત પવારની આગેવાની હેઠળની રાષ્ટ્રવાદી કોંગ્રેસ પાર્ટી (NCP) સાથે મહારાષ્ટ્ર સરકારનો ભાગ છે. છેલ્લી સામાન્ય ચૂંટણીઓમાં એટલે કે લોકસભા ચૂંટણી 2019માં, અવિભાજિત શિવસેના અને ભાજપે 2019ની લોકસભા ચૂંટણીમાં મહારાષ્ટ્રમાં 48માંથી 41 બેઠકો જીતી હતી. જ્યારે મહાયુતિ માત્ર 17 બેઠકો જીતવામાં સફળ રહી હતી.

 આ વખતે, મહારાષ્ટ્રમાં સત્તારૂઢ ગઠબંધન રાજ્યની 48 લોકસભા બેઠકોમાંથી માત્ર 17 જ જીતી શક્યું છે. કોંગ્રેસ, શિવસેના (ઉદ્ધવ બાળાસાહેબ ઠાકરે) અને રાષ્ટ્રવાદી કોંગ્રેસ પાર્ટી (શરદચંદ્ર પવાર)ના ગઠબંધન મહાવિકાસ આઘાડીએ મહારાષ્ટ્રમાં 30 લોકસભા બેઠકો જીતી છે. આવી સ્થિતિમાં મહારાષ્ટ્રના નાયબ મુખ્ય પ્રધાન દેવેન્દ્ર ફડણવીસે રાજ્યમાં NDAના ખરાબ પ્રદર્શનની જવાબદારી સ્વીકારીને રાજીનામું આપવાનો નિર્ણય લીધો હતો. પરંતુ ગૃહમંત્રી અમિતભાઈ શાહે તેમની સાથે વાત કરી અને તેમને સરકારમાં તેમનું કામ ચાલુ રાખવા કહ્યું. શાહે ફડણવીસને કહ્યું, "જો તમે રાજીનામું આપો છો, તો તેનાથી ભાજપના કાર્યકર્તાઓના મનોબળને અસર થશે. તેથી હવે રાજીનામું આપશો નહીં."