ઈન્દોર. મોહાલીમાં લગ્નની ના પાડતા પ્રેમી પાગલ બની ગયો. તેણે યુવતી પર એક પછી એક તલવાર વડે ઝડપી હુમલા કર્યા. હોસ્પિટલમાં સારવાર દરમિયાન યુવતીનું મોત નીપજ્યું હતું. યુવતી ઓફિસ જતી હતી. દરમિયાન હુમલાખોરે અચાનક તલવાર વડે હુમલો કર્યો હતો. આ ઘટનાનો વીડિયો સીસીટીવી કેમેરામાં કેદ થયો હતો, જે હાલ સોશિયલ મીડિયા પર વાયરલ થઈ રહ્યો છે. 

   ફતેહગઢની રહેવાસી બલજિંદર કૌર (26 વર્ષ) પર હુમલાની માહિતી મળતાં જ પોલીસ તાત્કાલિક ઘટનાસ્થળે પહોંચી ગઈ હતી. યુવતીને ફેઝ 6ની સરકારી હોસ્પિટલમાં લઈ જવામાં આવી હતી, જ્યાં તેનું મોત થયું હતું. યુવતીની હાલત અત્યંત ગંભીર હતી. પોલીસે આ મામલે તપાસ શરૂ કરી છે

   બલજિંદર કૌર ફતેહગઢની રહેવાસી હતી. તે મોહાલીમાં રહેતી અને કામ કરતી હતી. તે અહીં ફેઝ 5માં ભાડેથી રહેતી હતી. પોલીસ તપાસમાં જાણવા મળ્યું છે કે બલજિંદર કૌર અને સમરાલા નિવાસી સુખચૈન સિંહ વચ્ચે પ્રેમ સંબંધ હતો.

  સુખચૈન સિંહ બલજિંદર સાથે લગ્ન કરવા માગતો હતો. જ્યારે પીડિતાએ સંબંધને આગળ લઈ જવાની ના પાડી તો આરોપી ખૂબ જ આક્રમક થઈ ગયો. સવારે 8.30 વાગ્યે તકનો લાભ લઈને તેણે પીડિતા પર એક પછી એક તલવારથી હુમલો કર્યો, જેના કારણે તેણીનું મોત નીપજ્યું.

  ઘટના બાદ આરોપી ભાગવાનો પ્રયાસ કરી રહ્યો હતો, પરંતુ આ દરમિયાન નજીકમાં હાજર મનિન્દરે તેને તેના મિત્રો સાથે પકડી લીધો હતો. આરોપીને પોલીસને હવાલે કરવામાં આવ્યો છે