નવી દિલ્હી તા.૯

એક તરફ નરેન્દ્રભાઇ શપથગ્રહણની તૈયારીમાં વ્યસ્ત છે, તો બીજી તરફ શિવસેના ઉદ્ધવ જૂથના નેતા સંજય રાઉતે કહ્યું હતું કે યોગી આદિત્યનાથ પર રાજીનામું આપવા ભાજપ દબાણ કરી રહ્યું છે. 

આ પછી નેતાઓની પ્રતિક્રિયાઓ આવવા લાગી છે અને ખેડૂત નેતા રાકેશ ટિકૈતે કહ્યું કે શક્ય છે કે યોગીને ઘેરવામાં આવ્યા હોય.

રાકેશ ટિકૈતે કહ્યું કે યોગી આદિત્યનાથ પર રાજીનામું આપવા માટે દબાણ કરવામાં આવી રહ્યું છે કારણ કે તેઓ ઉત્તર પ્રદેશમાં તેમની મોટાભાગની બેઠકો ગુમાવી ચૂક્યા છે.  

તેમણે કહ્યું કે દિલ્હીના કર્મકાંડને કારણે યુપીમાં ભાજપની હાલત આવી બની છે. ભાજપની તાનાશાહીને કારણે યુપીના ઉમેદવારો હારી ગયા. 

    ન્યૂઝ તકના અહેવાલ મુજબ રાકેશ ટિકૈતે ભાજપ પર નિશાન સાધતા કહ્યું કે ભાજપ તોડફોડનું કામ કરે છે.  ભાજપે ચૌટાલા પરિવારને તોડી નાખ્યો.  પંજાબમાં બાદલ પરિવાર પણ તૂટી ગયો હતો.  ૨૦૨૪માં ભાજપે માયાવતીની પાર્ટીને ખતમ કરી દીધી અને તેની સાથે જ હરિયાણામાં ચૌટાલાની પાર્ટીને પણ ખતમ કરી દીધી.  

રાકેશ ટિકૈતે કહ્યું કે નીતિશ કુમાર અને ચંદ્રબાબુ નાયડુ હજુ બાકી છે.  આ પણ ભાજપના પ્રભાવમાં આવશે.  તેમણે કહ્યું કે નીતિશ કુમાર જ્યાં સુધી ગુલાંટ મારતા રહેશે ત્યાં સુધી તે ઠીક રહેશે. 

 ૨૦૩૪માં યોગીને પીએમ બનાવવાની યોજના છે

જો યુપીમાં યોગીની સરકાર બનવાનું ચાલુ રહેશે તો ૨૦૨૪માં યોગી આદિત્યનાથને પીએમ બનાવવાની યોજના છે.  રાજેશ ટિકૈતે કહ્યું કે, ભાજપને એવી વ્યક્તિ નથી જોઈતી જે ખૂબ વાતો કરે અને કેન્દ્ર સરકારમાં પોતાનું કામ ચલાવે.  તેમણે કહ્યું કે તેમની પાર્ટીમાં પણ આ લોકોને મજબૂત લોકો જોઈતા નથી.