ન્યૂયોર્ક : પાકિસ્તાનનું ભારતને વર્લ્ડ કપમાં હરાવવાનું સપનું ફરી રહ્યું અધૂરું, ભારે રોમાંચક મેચમાં ભારતે પાકિસ્તાનને 6 રને હરાવ્યું છે. નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં રમાયેલી લો સ્કોરિંગ મેચમાં ભારતીય ટીમે પાકિસ્તાન પર 6 રનથી જીત મેળવી હતી. એક સમયે એવું લાગી રહ્યું હતું કે આ મેચમાં પાકિસ્તાનની ટીમ ભારતને આસાનીથી હરાવી દેશે. જોકે, જસપ્રિત બુમરાહની ત્રણ વિકેટ અને હાર્દિક પંડ્યાની ચુસ્ત બોલિંગના આધારે ભારતે વાપસી કરી અને મેચ જીતી લીધી છે.

  હેરિસ રઉફ અને નસીમ શાહની ત્રણ-ત્રણ વિકેટની મદદથી પાકિસ્તાનની ટીમે T20 વર્લ્ડ કપના ઈતિહાસમાં પ્રથમ વખત ટીમ ઈન્ડિયાને ઓલઆઉટ કરવાનો રેકોર્ડ બનાવ્યો હતો. ભારતીય ટીમ માત્ર 119 રનમાં ઓલઆઉટ થઈ ગઈ હતી. લક્ષ્યનો પીછો કરતી વખતે પાકિસ્તાનની શરૂઆત ખૂબ જ ખરાબ રહી હતી.

પાકિસ્તાનની શરૂઆત સારી રહી હતી. બાબર આઝમ અને મોહમ્મદ રિઝવાને પ્રથમ વિકેટ માટે 26 રન જોડ્યા હતા. જસપ્રીત બુમરાહે 10 બોલમાં 13 રન બનાવીને રમી રહેલા બાબર આઝમને સૂર્યકુમાર યાદવના હાથે કેચ આઉટ કરાવ્યો હતો. ત્રીજા નંબરે રમવા આવેલા ઉસ્માન ખ્વાજા 15 બોલમાં 13 રન બનાવીને આઉટ થયો હતો. અક્ષર પટેલે તેને LBW આઉટ કર્યો હતો.

ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં ભારત સામે 120 રનના લક્ષ્યનો પીછો કરી રહેલી પાકિસ્તાનને શાદાબ ખાનના રૂપમાં પાંચમો ઝટકો લાગ્યો છે. શાદાબને હાર્દિક પંડ્યાએ પેવેલિયનનો રસ્તો બતાવ્યો છે.