<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 10th June 2024

PM મોદીના શપથ પર પાકિસ્‍તાન તરફથી આવ્‍યા અભિનંદન શાહબાઝ શરીફે લખ્‍યો મેસેજ

દુનિયાભરના દેશોના વડાઓએ મોદીને ત્રીજી વખત વડાપ્રધાન બનવા બદલ અભિનંદન પાઠવ્‍યા હતા

નવી દિલ્‍હી, તા.૧૦: વડાપ્રધાન નરેન્‍દ્રભાઇ મોદીએ રવિવારે સમગ્ર કેબિનેટની સાથે પદના શપથ લીધા હતા. ૪ જૂને લોકસભા ચૂંટણીના પરિણામો જાહેર થયા ત્‍યારથી દેશ અને દુનિયાના નેતાઓ નેશનલ ડેમોક્રેટિક એલાયન્‍સ (NDA)ની જીત પર અભિનંદન પાઠવી રહ્યા છે. હવે આ દરમિયાન પાડોશી દેશ પાકિસ્‍તાનના વડાપ્રધાન શાહબાઝ શરીફે પણ પીએમ મોદીને અભિનંદન પાઠવ્‍યા છે.પાકિસ્‍તાનના વડાપ્રધાન શાહબાઝ શરીફે સોશિયલ મીડિયા પર પોસ્‍ટ કરીને પીએમ મોદીને અભિનંદન આપ્‍યા છે કે નરેન્‍દ્રભાઇ મોદીને ભારતના વડાપ્રધાન તરીકે શપથ લેવા બદલ અભિનંદન.

PM મોદીને કોણે કોણે અભિનંદન આપ્‍યા? : સતત ત્રીજી વખત વડાપ્રધાન તરીકે શપથ લઈને પીએમ મોદીએ દેશના પ્રથમ વડાપ્રધાન જવાહરલાલ નેહરુના રેકોર્ડની બરાબરી કરી લીધી છે. અત્‍યાર સુધી જવાહરલાલ નેહરુ એકમાત્ર એવા વડાપ્રધાન હતા જે સતત ત્રણ વખત સત્તા પર આવ્‍યા હતા.

દુનિયાભરના દેશોના વડાઓએ મોદીને ત્રીજી વખત વડાપ્રધાન બનવા બદલ અભિનંદન પાઠવ્‍યા હતા. માલદીવના રાષ્‍ટ્રપતિ મોહમ્‍મદ મુઈઝુએ તેમને અભિનંદન આપતા કહ્યું હતું કે ૨૦૨૪ની ચૂંટણીમાં સતત ત્રીજી વખત સફળ થવા પર વડાપ્રધાન નરેન્‍દ્ર મોદી, ભાજપ અને એનડીએને અભિનંદન. તેમણે કહ્યું હતું કે હું બંને દેશોની સમાન સમળદ્ધિ માટે સાથે મળીને કામ કરવા ઉત્‍સુક છું.

ઈટાલીના વડાપ્રધાન જ્‍યોર્જિયા મેલોનીએ પણ પીએમ મોદીને અભિનંદન પાઠવ્‍યા હતા અને નવી ચૂંટણીની જીત અને સારા કામ માટે શુભકામનાઓ આપી હતી. તે નિશ્‍ચિત છે કે અમે ઇટાલી અને ભારતને એક કરતી મિત્રતાને મજબૂત કરવા અને આપણા રાષ્‍ટ્રો અને આપણા લોકોની સુખાકારી સાથે સંબંધિત મુદ્દાઓ પર સાથે મળીને કામ કરવાનું ચાલુ રાખીશું.

ભૂટાનના વડા પ્રધાન શેરિંગ તોબગેએ કહ્યું હતું કે તેઓ ભારત સાથેના સંબંધોને વધુ ગાઢ બનાવવા આતુર છે. તેમણે કહ્યું કે વિશ્વની સૌથી મોટી ચૂંટણીમાં ઐતિહાસિક જીત હાંસલ કરવા બદલ મારા મિત્ર વડાપ્રધાન મોદી અને NDAને અભિનંદન. તે ભારતને નવી ઊંચાઈએ લઈ જઈ રહ્યો છે.

શ્રીલંકાના રાષ્‍ટ્રપતિ રાનિલ વિક્રમસિંઘેએ પણ પીએમ મોદીને અભિનંદન પાઠવ્‍યા હતા અને કહ્યું હતું કે એનડીએની જીતે વડાપ્રધાન નરેન્‍દ્રભાઇ મોદીના નેતળત્‍વમાં પ્રગતિ અને સમળદ્ધિમાં ભારતીય લોકોનો વિશ્વાસ દર્શાવ્‍યો છે. શ્રીલંકા, તેના સૌથી નજીકના પાડોશી તરીકે, ભારત સાથે તેની ભાગીદારીને વધુ મજબૂત કરવા આતુર છે.

તમને જણાવી દઈએ કે ભાજપે લોકસભા ચૂંટણીમાં ૨૪૦ સીટો જીતી છે. જ્‍યારે NDAને ૨૯૨ બેઠકો મળી છે. ૨૦૧૯ની સરખામણીમાં આ વખતે NDAને ઘણું નુકસાન થયું છે. છેલ્લી ચૂંટણીમાં એનડીએને ૩૫૦થી વધુ બેઠકો મળી હતી. ત્‍યારે ભાજપે પોતાના દમ પર ૩૦૩ બેઠકો જીતી હતી.

(3:42 PM IST)