બીજીંગ,તા. ૧૧: વજન તો દરેક વ્‍યક્‍તિ ઘટાડવા માગે છે પણ આની સાથે જોડાયેલી શરતો સાંભળીને દરેક જણ પીછેહઠ કરી લે છે. વિચારો જો કોઈ તમને વજન ઘટાડવા માટે પૈસા આપવા માંડે, તો તમે કોઈપણ રીતે આ કામ કરવામાં લાગી જશો. કંઈક આવું જ થઈ રહ્યું છે પાડોશી દેશ ચીનની એક ફર્મમાં. આ ફર્મના કર્મચારીઓને એક એવી ઓફર આપવામાં આવી રહી છે, જેને સાંભળીને લોકો ફર્મના વખાણ કરતા નથી થાકી રહ્યા.

સાઉથ ચાઇના મોર્નિંગ પોસ્‍ટના અહેવાલ મુજબ, ચીનના ગુઆંગડોંગ પ્રાંતની એક કંપનીએ કર્મચારીઓને તેમનું વજન ઘટાડવાની ઓફર કરી છે અને બદલામાં તેમને પૈસા આપવામાં આવશે. ગયા વર્ષે શરૂ કરવામાં આવેલા આ કાર્યક્રમ હેઠળ ઘણા લોકોએ પોતાનું વજન ઘટાડીને કમાણી કરી છે.

શેનઝેન, ચીનમાં સ્‍થિત છે. કંપનીએ ગયા વર્ષની શરૂઆતમાં સ્‍લિમિંગ પ્રોગ્રામ શરૂ કર્યો હતો. અત્‍યાર સુધીમાં ૧૫૦ લોકોએ તેમાં ભાગ લીધો છે અને સાથે મળીને કુલ ૮૦૦ કિલો વજન ઘટાડ્‍યું છે. આ માટે કંપની દ્વારા તમામ કર્મચારીઓને કુલ ૧ કરોડ રૂપિયા ૧૨,૯૪,૪૩૨ નું વિતરણ કરવામાં આવ્‍યું છે. આ યોજના વજન ઘટાડવાના બૂટ કેમ્‍પની જેમ કામ કરે છે. દરેક શિબિર કુલ ૩૦ કર્મચારીઓ સાથે ૩ મહિના માટે યોજવામાં આવે છે. અત્‍યાર સુધીમાં આવા પાંચ કેમ્‍પ સ્‍થાપવામાં આવ્‍યા છે.

આ કાર્યક્રમ માટે મોટી સંખ્‍યામાં કર્મચારીઓએ અરજી કરી છે, આવી સ્‍થિતિમાં મેદસ્‍વી લોકોની પસંદગી કરવામાં આવી રહી છે. દરેક શિબિરમાં, સભ્‍યોને ૩ જૂથોમાં મૂકવામાં આવે છે, જેમાં ૧૦ ના બે જૂથો અને એક જૂથમાં ૫ સભ્‍યો હોય છે. દરેક અડધા કિલો વજન ગુમાવવા પર સભ્‍યને ૪,૫૯૩ રૂપિયા મળે છે, પરંતુ જો તેમના જૂથના સભ્‍યનું વજન વધે છે, તો કોઈ પણ સભ્‍યને ઇનામની રકમ મળતી નથી. તેના બદલે તેમને ૫૭૦૦ રૂપિયાનો દંડ ભરવો પડશે.