ન્યૂયોર્ક, તા.૧૪

શંકાસ્પદ ક્વીન્સ જેહાદીને તેની એસયુવીમાં શસ્ત્રો સાથે ઝડપી પાડવામાં આવ્યો હતો અને ગુરૃવારે તેને જામીન વગર પકડવાનો આદેશ આપવામાં આવ્યો હતો કારણ કે કેસની નવી વિગતો કોર્ટમાં ઉભરી આવી હતી. ૨૯ વર્ષીય જુડ સેનસન લા ગાર્ડિયા ઈન્ટરનેશનલ એરપોર્ટથી થોડા બ્લોક દૂર હતો ત્યારે બુધવારે વહેલી સવારે એલર્ટ કોપ્સ દ્વારા તેને અટકાવવામાં આવ્યો હતો. અધિકારીઓ સાથેના એક્નાઉન્ટરની પ્રથમ કેટલીક તણાવ ભરેલી ક્ષણો દરમિયાન તે ગભરાઈને તેની એસયુવીની સીટ નીચે પહોંચી ગયો હતો. ક્વીન્સ ક્રિમિનલ કોર્ટમાં ક્વીન્સ આસિસ્ટન્ટ ડિસ્ટ્રિક્ટ એટર્ની ડાયલન નેસ્ટુરિકે જણાવ્યું હતું કે, પોલીસને પહેલાથી જ સેનસનના પગમાં એક સ્છ રિફ્લેક્ટિવ વેસ્ટ અને *છત પરથી લટકતી એક કામચલાઉ કુહાડી* અને વાહનની અંદર *કામચલાઉ તલવાર* સાથે એક છરી મળી આવી હતી. એકંદરે પ્રોસિક્યુટરે જણાવ્યું હતું કે, બ્લેક ફોર્ડ એક્સપ્લોરરની અંદરથી લગભગ એક ડઝન હથિયારો, એક દ્ગરૃઁડ્ઢ બુલેટ-પ્રૂફ વેસ્ટ અને ૧૭૯ રાઉન્ડ દારૃગોળો મળી આવ્યા હતા. તેમણે એમ પણ કહ્યું કે તપાસકર્તાઓને સેનસનના ફેસબુક પેજ પર એક *ડિસ્ટર્બિંગ ફોટો* મળ્યો છે પરંતુ તેણે વિસ્તૃત માહિતી આપી નથી.

સેનસન જજ જુલિએટા લોઝાનો સમક્ષ તેના ખુલ્લા લાંબા વાળ સાથે અને બ્લેક ટી-શર્ટ પહેરીને ઊભો હતો. પ્રોસિક્યુટર્સે જણાવ્યું હતું કે તેના નામે ટેનેસી અને મેરીલેન્ડમાં એડ્રેસ છે, પરંતુ તે તેના પિતા સાથે ક્વીન્સના હોલિસ વિભાગમાં રહે છે અને તેની એક વર્ષની પુત્રી છે. તેના વકીલે કહ્યું હતું કે, સેનસન સેલ્ફ એમ્પ્લોયડ મિકેનિક તરીકે કામ કરે છે. ક્વીન્સ ડિફેન્ડર્સના થોમસ મોન્ટેલાએ લોઝાનોને તેના ક્લાયન્ટ માટે વ્યાજબી જામીન આપવા કહ્યું હતું. મોન્ટેલાએ કહ્યું હતું કે, આ અંતે તો એક ગન કેસ છે. પરંતુ જજે પ્રોસિક્યુટર્સનો પક્ષ લીધો હતો, જેમણે કહ્યું હતું કે તેને સોમવારે રિટર્ન કોર્ટમાં હાજર રહેવા સુધી જામીન વિના રિકર્સ આઈલેન્ડ ખાતે રાખવામાં આવે.

ક્વીન્સ ડિસ્ટ્રિક્ટ એટર્ની મેલિન્ડા કાત્ઝએ દલીલ પછી જણાવ્યું હતું કે, તે ઘણું જોખમી હતું કેમ કે તે એરપોર્ટથી થોડા બ્લોક દૂર હતો. તમારે ઉદ્દેશ્ય વિશે પૂછવું પડશે. સેનસનની બુધવારે રાત્રે ૧.૩૦ કલાકે ધરપકડ કરવામાં આવી હતી અને કોર્ટમાં તેની તારીખ માટે ગુરુવારે અગાઉ તેને હાથકડીમાં લઈ જવામાં આવ્યો ત્યાં સુધી તેની ૧૧૦મી પ્રિસિંક્ટ સ્ટેશનહાઉસમાં પૂછપરછ કરવામાં આવી હતી. પત્રકારો દ્વારા પ્રશ્નો પૂછવામાં આવતાં તે હસતો હતો અને જ્યારે કોઈએ પૂછ્યું કે શું તેણે એમેઝોન પર તેના શસ્ત્રો ખરીદ્યા હતા ત્યારે તે હસી પડ્યો હતો. આ દરમિયાન કોપ્સે તેના પિતાના એપાર્ટમેન્ટમાં સર્ચ વોરંટ ચલાવ્યું હતું.