આરએસએસના ઈન્દ્રેશ કુમારે ભાજપને ઘમંડી ગણાવીને ઉગ્ર નિશાન સાધ્યું હતું. દરમિયાન, ઇન્દ્રેશ કુમારે બુધવારે રાત્રે જ સ્પષ્ટતા આપી. તેમણે કહ્યું, "દેશ દિવસે દિવસે તેજ ગતિએ આગળ વધી રહ્યો છે. આ સમયનું સત્ય એ છે કે જે લોકો રામનો વિરોધ કરતા હતા તેઓ સત્તાની બહાર છે... જેઓ રામની પૂજા કરતા હતા તેઓ સત્તામાં છે."

   જ્યારે ઈન્દ્રેશ કુમારને પૂછવામાં આવ્યું કે તેમણે કોના માટે અહંકાર શબ્દનો ઉપયોગ કર્યો છે. તેના જવાબમાં તેમણે કહ્યું કે, "રાહુલ ગાંધીએ કહ્યું હતું કે હું લેખિતમાં આપી રહ્યો છું કે નરેન્દ્ર મોદી 4 તારીખે સત્તામાં નહીં આવે. એ જ રીતે અરવિંદ કેજરીવાલે કહ્યું કે હું લેખિતમાં આપી રહ્યો છું કે આટલી બધી બેઠકો આવશે. અને ઇન્ડિયા ગઠબંધન સરકાર બનશે આ શું છે જે લોકો રામનો વિરોધ કરે છે તેઓ સત્તામાંથી બહાર છે.

   ઇન્દ્રેશ કુમારે વધુમાં જણાવ્યું હતું કે, "એનડીએના નેતૃત્વમાં મોદીની સરકારે ઝડપી ગતિએ આગળ વધવાનું શરૂ કર્યું છે. હું દેશવાસીઓને અપીલ કરીશ કે તેઓ દેશના વિકાસ માટે સરકાર સાથે ખભે ખભા મિલાવીને ચાલે. આ સમયે ભાજપની અંદર દેશ- એનડીએના રૂપમાં સરકાર બની છે જે ઝડપથી આગળ વધી રહી છે મેં સત્યને અંતિમ ગણાવ્યું છે.

   લોકસભા ચૂંટણીના પરિણામો બાદ આરએસએસ પ્રમુખ મોહન ભાગવતે મણિપુરમાં થઈ રહેલી હિંસા અંગે નિવેદન આપ્યું હતું. જે બાદ બુધવારે ઈન્દ્રેશ કુમારની ટિપ્પણી બાદ રાજકીય વર્તુળોમાં એવી અટકળો શરૂ થઈ ગઈ હતી કે ભાજપ અને આરએસએસ વચ્ચે ઓલ ઈઝ વેલ નથી.

  જો કે સૂત્રોના જણાવ્યા અનુસાર આરએસએસ દ્વારા સ્પષ્ટ કરવામાં આવ્યું હતું કે આરએસએસ ભાજપ અને પીએમ મોદીથી નારાજ નથી. આરએસએસ તરફથી કહેવામાં આવ્યું હતું કે મોહન ભાગવત આ પહેલા પણ ઘણી વખત મણિપુરને લઈને નિવેદન આપી ચુક્યા છે.