<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 19th June 2024

પુતિન ૨૪ વર્ષ બાદ ઉત્તર કોરિયાની મુલાકાતે પહોંચ્યા

નવી દિલ્હી,તા. ૧૯: રશિયાના રાષ્ટ્રપતિ વ્લાદિમીર પુતિન મંગળવારે મોડી રાત્રે ઉત્ત્।ર કોરિયા પહોંચ્યા હતા. ઉત્ત્।ર કોરિયાના ટોચના નેતા કિમ જોંગ ઉને પ્યોંગયાંગ એરપોર્ટ પર તેમનું સ્વાગત કર્યું હતું. પુતિન છેલ્લા ૨૪ વર્ષમાં પ્રથમ વખત ઉત્ત્।ર કોરિયાની મુલાકાતે ગયા છે. આ દરમિયાન તેઓ ઉત્ત્।ર કોરિયાના તાનાશાહ કિમ જોંગ ઉન સાથે પણ મુલાકાત કરશે. આ પહેલા પુતિન અને કિમ જોંગ ગયા વર્ષે સપ્ટેમ્બરમાં મળ્યા હતા.

ઉત્ત્।ર કોરિયા પહોંચવાના કલાકો પહેલા કિમે યુક્રેનમાં રશિયાની સૈન્ય કાર્યવાહી માટે દેશની પ્રશંસા કરી હતી. કહેવામાં આવી રહ્યું છે કે આ મુલાકાત દરમિયાન ઉત્ત્।ર કોરિયાના નેતા કિમ જોંગ ઉન સાથે વિનાશક હથિયારો પર ગુપ્ત ડીલ થઈ શકે છે. તેમજ રશિયા ઉત્ત્।ર કોરિયાને પરમાણુ શસ્ત્રો અને મિસાઈલ સંબંધિત નવીનતમ ટેકનોલોજી આપી શકે છે. દરમિયાન, કિમે પુતિનની મુલાકાત પહેલા હથિયારોના ડેપો પર તૈયારીઓનો પણ હિસાબ લીધો હતો. કહેવામાં આવી રહ્યું છે કે કિમ જોંગ પુતિનને પોતાના યુદ્ઘ શસ્ત્રોનો ભંડાર બતાવી શકે છે.

વિદેશી મીડિયા એજન્સીના જણાવ્યા અનુસાર, ઉત્ત્।ર કોરિયાની રાજધાની પ્યોંગયાંગમાં રસ્તાઓને પુતિનની તસવીરોથી સજાવવામાં આવ્યા છે. અહીંના રસ્તાઓ પર રશિયાના ધ્વજ પણ જોવા મળ્યા હતા. એક ઈમારત પરના બેનર પર લખવામાં આવ્યું હતું, 'અમે રશિયન ફેડરેશનના પ્રમુખનું હાર્દિક સ્વાગત કરીએ છીએ.' પુતિનની આ મુલાકાત અંગે લાંબી ચર્ચા થઈ હતી. તેનાથી પશ્ચિમી દેશોમાં ચિંતા વધી છે. બંને નેતાઓની મુલાકાત પર આખી દુનિયાની નજર હતી.

(4:45 PM IST)