લખનૌ તા. રપઃ બસપના સુપ્રીમ બહેન માયાવતીજીએ સપા અને કોંગ્રેસ પર જોરદાર હુમલો કર્યો છે. ગઇકાલે ૧૮મી લોકસભાના પહેલા દિવસે સપા-કોંગ્રેસ સહિત સમગ્ર વિપક્ષ બંધારણનું પુસ્‍તક લઇને સંસદ પહોંચવા પર બહેન માયાવતીજીએ નામ લીધા વિના આરોપ લગાડયા હતા.

તેમણે જણાવેલ કે, સંસદમાં વિપક્ષ દ્વારા બંધારણની નકલ દેખાડવાના મામલે આ બધા એક જ થાળીના ચટ્ટા-બટ્ટા લાગી રહ્યા છે અને આ બન્‍ને એ મળીને બંધારણને જ્ઞાતિવાદી, સાંપ્રદાયીક અને પૂંજીવાદી બંધારણ બનાવી દીધું છે. સત્તા અને વિપક્ષની બંન્‍નેની અંદરથી મિલી ભગત છે.