નવી દિલ્‍હી, તા.૨૮: ભારતની કંપની અને એશિયાના સૌથી ધનિક વ્‍યક્‍તિ મુકેશ અંબાણીની કંપની રિલાયન્‍સ ઇન્‍ડસ્‍ટ્રીઝના શેર આજે ૫૨ સપ્તાહની ટોચે પહોંચી ગયા છે. રિલાયન્‍સ જિયોના મોબાઈલ ટેરિફમાં વધારાને કારણે આજે ટ્રેડિંગ દરમિયાન રિલાયન્‍સના શેરમાં બે ટકાથી વધુનો વધારો જોવા મળ્‍યો હતો. ગ્‍લ્‍ચ્‍ પર તે રૂ. ૩,૧૨૯.૦૦ પર પહોંચ્‍યો હતો, જે તેની ૫૨ સપ્તાહની ટોચની સપાટી છે. આ સાથે કંપનીનું માર્કેટ કેપ ૨૧ લાખ કરોડ રૂપિયાને વટાવી ગયું છે. વૈશ્વિક બ્રોકરેજ મોર્ગન સ્‍ટેનલી અને જેફરીઝનું કહેવું છે કે નજીકના ભવિષ્‍યમાં રિલાયન્‍સના શેરમાં ૧૫ ટકાનો વધારો થઈ શકે છે.

રિલાયન્‍સના શેરને બાય કોલ આપવાની સાથે, જેફરીઝે રૂ. ૩,૫૮૦નો ટાર્ગેટ ભાવ આપ્‍યો છે. આ વૈશ્વિક બ્રોકરેજનું કહેવું છે કે થ્‍શંએ ટેરિફમાં ૧૩ થી ૨૫્રુનો વધારો કર્યો છે. આ અપડેટ સાથે, આગામી દિવસોમાં રિલાયન્‍સના શેરમાં વધારો થવાની ધારણા છે. બપોરે ૧૨.૩૦ વાગ્‍યે ગ્‍લ્‍ચ્‍ પર કંપનીના શેર ૧.૬૧્રુના વધારા સાથે રૂ. ૩,૧૧૦.૫૦ પર ટ્રેડ થઈ રહ્યા હતા. તેનું ૫૨ સપ્તાહનું ન્‍યૂનતમ સ્‍તર રૂ. ૨,૨૨૧.૦૫ છે. રિલાયન્‍સના શેર ગયા વર્ષે ૨૬ ઓક્‍ટોબરે આ સ્‍તરે પહોંચ્‍યા હતા. રિલાયન્‍સ દેશની સૌથી મૂલ્‍યવાન કંપની છે.

દરમિયાન રિલાયન્‍સ કંપનીઓ Jio Financial ±Þõ Zomatoને નિફ્‌ટી૫૦માં સ્‍થાન મળી શકે છે. માર્કેટ રેગ્‍યુલેટર સેબીએ ડેરિવેટિવ્‍ઝ માર્કેટમાં સ્‍ટોકની એન્‍ટ્રી અને એક્‍ઝિટ સંબંધિત નિયમોમાં ફેરફારને મંજૂરી આપી છે. નુવામા વૈકલ્‍પિક અને ક્‍વોન્‍ટિટેટિવ રિસર્ચએ એક વિશ્‍લેષણમાં જણાવ્‍યું હતું કે જો જિયો ફાઇનાન્‍શિયલ અને ઝોમેટોને ઓગસ્‍ટના ત્રીજા સપ્તાહ પહેલા F&O સેગમેન્‍ટમાં સ્‍થાન મળે છે, તો સપ્‍ટેમ્‍બરની સમીક્ષામાં નિફ્‌ટી૫૦માં સ્‍થાન મળે તેવી પ્રબળ સંભાવના છે.