કર્ણાટકના પૂર્વ મુખ્યમંત્રી બીએસ યેદિયુરપ્પા વિરુદ્ધ 17 વર્ષની એક યુવતીએ યૌન શોષણ અને ઉત્પીડનનો આરોપ લગાવતા કેસ દાખલ કર્યો છે. આ અંગે યેદિયુરપ્પાએ કર્ણાટક હાઈકોર્ટમાં અરજી કરી છે કે તેમની સામે નોંધાયેલ બાળ યૌન શોષણનો કેસ રદ કરવામાં આવે. બીજી તરફ, પોલીસે ગુરુવારે જ POCSO કેસમાં યેદિયુરપ્પા વિરુદ્ધ ચાર્જશીટ દાખલ કરી છે 

   આ વર્ષે માર્ચમાં સદાશિવનગર પોલીસે બીજેપી નેતા યેદિયુરપ્પા વિરુદ્ધ છેડતીનો કેસ નોંધ્યો હતો. આ પછી કર્ણાટકના DGP આલોક મોહને કેસની તપાસ CIDને ટ્રાન્સફર કરવાનો આદેશ જારી કર્યો હતો. યુવતીએ આરોપ લગાવ્યો હતો કે જ્યારે તે ફેબ્રુઆરી 2024માં મીટિંગ માટે યેદિયુરપ્પાના ઘરે ગઈ ત્યારે તેણે તેને પોતાના રૂમમાં લઈ જઈને તેનું યૌન શોષણ કર્યું. 

  કર્ણાટકના પૂર્વ સીએમ બીએસ યેદિયુરપ્પાએ પોક્સો એક્ટ હેઠળ તેમના પર લાગેલા આરોપોને ફગાવી દીધા છે. તેણે કહ્યું છે કે તે નિર્દોષ છે. તેમને ફસાવવા માટે ષડયંત્ર રચવામાં આવી રહ્યું છે. યેદિયુરપ્પાએ કહ્યું કે તેમની વિરુદ્ધ કાવતરું કરનારાઓને જનતા જ પાઠ ભણાવશે. ટૂંક સમયમાં આ મામલાની સત્યતા બધાની સામે આવશે 

  યેદિયુરપ્પા વિરુદ્ધ POCSO કેસમાં કિશોરી પીડિતાની 54 વર્ષીય માતા, જેમણે યેદિયુરપ્પા પર બાળ જાતીય શોષણનો આરોપ મૂક્યો હતો, તેનું ગયા મહિને અવસાન થયું હતું. તેઓ ફેફસાના કેન્સરથી પીડિત હતા અને તેમને ખાનગી હોસ્પિટલમાં દાખલ કરવામાં આવ્યા હતા. પીડિતાની માતાએ યેદિયુરપ્પા વિરુદ્ધ FIR પણ નોંધાવી હતી.