નવી દિલ્‍હી તા. ૨૯ : કર્મચારીઓ માટે મોટા સમાચાર છે. કર્મચારીઓને મળતો માસિક પગાર વધી શકે છે. આ લાભ એવા કર્મચારીઓને જ મળશે જેઓ ૧ સપ્‍ટેમ્‍બર, ૨૦૧૩ પછી જોડાયા છે. કર્મચારી ભવિષ્‍ય નિધિ સંગઠનએ ૧ સપ્‍ટેમ્‍બર, ૨૦૧૩ પછી નોકરીમાં જોડાનારા સરકારી કર્મચારીઓ માટે જૂથ વીમા યોજના હેઠળની કપાત તાત્‍કાલિક અસરથી બંધ કરવાનો નિર્ણય લીધો છે. EPFOએ ૨૧ જૂન, ૨૦૨૪ના રોજના એક પરિપત્રમાં જણાવ્‍યું હતું કે ૧ સપ્‍ટેમ્‍બર, ૨૦૧૩ પછી EPFOમાં જોડાનાર તમામ કર્મચારીઓના પગારમાંથી GIS હેઠળ કપાત તાત્‍કાલિક બંધ કરવાનો નિર્દેશ આપવામાં આવ્‍યો છે.

આ નિર્ણયથી તમામ સરકારી કર્મચારીઓને અસર થશે નહીં. આ પરિપત્રની અસર તે સરકારી કર્મચારીઓ સુધી મર્યાદિત છે જેઓ ૧ સપ્‍ટેમ્‍બર, ૨૦૧૩ પછી સેવામાં જોડાયા છે. જો નિષ્‍ણાતોનું માનીએ તો, ૧ સપ્‍ટેમ્‍બર, ૨૦૧૩ પછી EPFOમાં જોડાનાર કર્મચારીઓને હવે GIS હેઠળ આવરી લેવામાં આવશે નહીં અને તેમના પગારમાંથી અગાઉ કરવામાં આવેલી કોઈપણ કપાત તેમને પરત કરવામાં આવશે. અસરગ્રસ્‍ત સરકારી કર્મચારીઓને ફાયદો થશે કારણ કે તેમના પગારમાં વધારો થશે. નિષ્‍ણાતો કહે છે કે સરકારી કર્મચારીઓ કે જેમના માટે GIS બંધ કરવામાં આવ્‍યું છે તેમનો નેટ ઇન-હેન્‍ડ પગાર વધી શકે છે.

એમ્‍પ્‍લોઈઝ પ્રોવિડન્‍ટ ફંડ ઓર્ગેનાઈઝેશનએ ૧ સપ્‍ટેમ્‍બર, ૨૦૧૩ પછી સરકારી સેવામાં જોડાનારા કર્મચારીઓ માટે ગ્રુપ ઈન્‍સ્‍યોરન્‍સ સ્‍કીમ  હેઠળ કપાત બંધ કરી દીધી છે.

GIS એટલે કેન્‍દ્ર સરકારના કર્મચારી જૂથ વીમા યોજના. આ યોજના જાન્‍યુઆરી ૧૯૮૨માં લાગુ કરવામાં આવી હતી. તે સરકારી કર્મચારીઓને બે પ્રકારના લાભ આપે છે.

આ યોજના હેઠળ, કર્મચારીના મૃત્‍યુના કિસ્‍સામાં, તેના પરિવારને આર્થિક મદદ મળે છે.

જયારે કોઈ સરકારી કર્મચારી નિવૃત્ત થાય છે, ત્‍યારે તેને આ યોજના હેઠળ એકમ રકમ ચૂકવવામાં આવે છે.

૨૧ જૂન, ૨૦૨૪ના EPFO આદેશમાં બે બાબતો જણાવવામાં આવી છે. ૧ સપ્‍ટેમ્‍બર, ૨૦૧૩ પછી EPFOમાં જોડાનાર કર્મચારીઓ માટે GIS હેઠળની કપાત બંધ કરવામાં આવશે. આનો અર્થ એ થયો કે GIS માટેના નાણાં હવે આ કર્મચારીઓના પગારમાંથી કાપવામાં આવશે નહીં.

GIS માટે અત્‍યાર સુધી કર્મચારીઓના પગારમાંથી જે પૈસા કપાયા છે તે તેમને પરત કરવામાં આવશે.

EPFOએ ૨૧ જૂન ૨૦૨૪ના રોજ આ આદેશ જારી કર્યો હતો. આ ઓર્ડર મુજબ ૧ સપ્‍ટેમ્‍બર, ૨૦૧૩ પછી EPFOમાં જોડાયેલા કર્મચારીઓના પગારમાંથી GIS માટે કપાત બંધ કરવામાં આવશે. નિષ્‍ણાતોનું કહેવું છે કે GIS બંધ થયા બાદ સરકારી કર્મચારીઓના હાથના પગારમાં વધારો થઈ શકે છે.

દિલ્‍હી હાઈકોર્ટના વકીલ મહીપ સિંહનું કહેવું છે કે આ ફેરફારની અસર એ થશે કે કર્મચારીઓને હવે બે લાભ મળશે.

પ્રથમ, તેમના પગારમાંથી GIS માટે કોઈ કપાત કરવામાં આવશે નહીં, જેનાથી તેમના સીધા પગારમાં વધારો થશે.

બીજું, GIS માટે અત્‍યાર સુધી જે નાણાં કાપવામાં આવ્‍યા હતા તે તેમને એકમ રકમ તરીકે પરત કરવામાં આવશે.

GIS માટે દર મહિને કાપવામાં આવતી રકમ ઓછી હતી, પરંતુ નિવૃત્તિ પર મળેલી રકમ ઘણી વધારે હતી. તેથી, જો કપાત બંધ કરી દેવામાં આવી છે ત્‍યારે હવે ઇન-હેન્‍ડ પગાર વધે તો પણ તમને એટલો મોટો ફરક નહીં લાગે.