T20 વર્લ્ડ કપની ફાઇનલમાં વિરાટ કોહલીએ 76 રનની ઇનિંગ રમી હતી. વિરાટને મેન ઓફ ધ મેચ પસંદ કરવામાં આવ્યો હતો. આ સાથે તેણે T20 વર્લ્ડ કપમાંથી નિવૃત્તિની જાહેરાત કરી હતી.

આ મેચ પહેલા વિરાટે આ T20 વર્લ્ડ કપમાં 7 મેચ રમી હતી અને કુલ 75 રન બનાવ્યા હતા. ફાઇનલમાં સાઉથ આફ્રિકા સામે 76 રનની ઇનિંગ રમી હતી. આ દરમિયાન તેણે 6 ફોર અને 2 સિક્સર ફટકારી હતી.

આ મારો છેલ્લો T20 વર્લ્ડ કપ હતો. આ તે પરિણામ છે જે અમે પ્રાપ્ત કરવા માગતા હતા. મેં તે દિવસે ટીમ માટે કામ કર્યું, જે સૌથી મહત્વપૂર્ણ દિવસ હતો, તે જ મહત્વપૂર્ણ છે. હવે આવનારી પેઢીને આગળ લાવવાનો સમય છે. નવા અદ્ભુત ખેલાડીઓ ટીમને આગળ લઈ જશે અને ધ્વજને ઊંચો લહેરાતો રાખશે. - વિરાટ કોહલી (મેન ઓફ ધ મેચ પસંદ થયા બાદ)

દક્ષિણ આફ્રિકા વિરૂદ્ધ વિરાટની આ ઈનિંગ ઘણી મહત્વપૂર્ણ માનવામાં આવી રહી છે. કારણ - જ્યારે ભારતે એક પછી એક વિકેટ ગુમાવવાનું શરૂ કર્યું ત્યારે વિરાટે એક છેડો પકડી રાખ્યો હતો. કેપ્ટન રોહિત શર્મા, ઋષભ પંત અને સૂર્યકુમાર યાદવને આઉટ કર્યા પછી, વિરાટે પહેલા અક્ષર પટેલ અને પછી શિવમ દુબે સાથે મળીને પડકારજનક સ્કોર બનાવવામાં મદદ કરી.