<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 5th July 2024

પાકિસ્‍તાનમાં દૂધ પેરિસ કરતાં પણ મોંઘું

ઇસ્‍લામાબાદ,તા.૫: પાકિસ્‍તાન સરકારે લાંબા સમયથી મોંઘવારીનો માર ભોગવી રહેલા નાગરિકોને વધુ એક આંચકો આપ્‍યો છે. પાકિસ્‍તાન સરકારે દૂધ પર નવા દરો લાગુ કરી દીધા છે, જે પછી ત્‍યાં દૂધની કિંમત ફ્રાંસ, ઓસ્‍ટ્રેલિયા અને અન્‍ય દેશોની તુલનાએ પાંચ ગણી વધી ગઈ છે. ગયા સપ્તાહે રાષ્ટ્રીય સ્‍તરે બજેટ દ્વારા કર લાગુ કરવામાં આવ્‍યા હતા. એમાં જણાવવામાં આવ્‍યું હતું કે દૂધ પર ૧૮ ટકાના દરે કર લાગુ કરી દેવામાં આવ્‍યા હતા. હવે એનાથી સામાન્‍ય લોકો માટે મુશ્‍કેલીઓ પારાવાર વધી છે.

પાકિસ્‍તાનમાં વધેલા ભાવ પછી અલ્‍ટ્રા-હાઇ તાપમાન અથવા UHT દૂધની કિંમત રૂ. ૩૭૦ એટલે કે ૧.૩૩ ડોલર સુધી પહોંચી છે. દૂધની આ કિંમત કરાચી જિલ્લામાં છે. જો એમસ્‍ટરડમની વાત કરો તો ત્‍યાં દૂધ ૧.૨૯ ડોલર મળી રહ્યું છે. પેરિસમાં ૧.૨૩ ડોલરમાં દૂધ મળી રહ્યું છે અને ઓસ્‍ટ્રેલિયામાં ૧.૦૮ ડોલરમાં દૂધ મળી રહ્યું છે. આ આંકડા બ્‍લુમબર્ગ દ્વારા બહાર પાડવામાં આવ્‍યા છે.

પાછલા સપ્તાહ રાષ્ટ્રીય બજેટમાં નવા કરોના ભાગરૂપે પેક દૂધ પર ૧૮ ટકા ટેક્‍સ લાગુ કરવામાં આવ્‍યો હતો. પાકિસ્‍તાનમાં અત્‍યાર સુધી એ દૂધ સંપૂર્ણ રીતે કરમુક્‍ત હતું. ગયા સપ્તાહ બજેટમાં કરની જોગવાઈના ભાગરૂપે દૂધ પર ૧૮ ટકા ટેક્‍સ લાગુ કરવામાં આવ્‍યા હતા, પહેલાં એના પર ટેક્‍સ છૂટ હતી.

પાકિસ્‍તાનમાં હજી હાલમાં જ નાણાં મંત્રાલય દ્વારા જારી કરવામાં આવેલા નોટિફિકેશનને આધારે અહેવાલમાં જણાવ્‍યું હતું કે પેટ્રોલની કિંમતમાં પ્રતિ લિટર રૂ. ૭.૪૫ અને હાઇ-સ્‍પીડ ડીઝલની કિંમતમાં પ્રતિ લિટર રૂ. ૯.૫૬ પ્રતિ લિટરનો વધારો કર્યો હતો. આમ હવે પાકિસ્‍તાનની જનતા પર અસહ્ય મોંઘવારીનો માર પડ્‍યો છે.

(9:37 AM IST)