<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 5th July 2024

પતિ છે ૩૭૦૦૦ કરોડનો માલિક પણ પત્નીએ ૩૦ વર્ષથી ખરીદી નથી સાડી

મોદી સરકારે સુધા મૂર્તિને રાજ્યસભાના સભ્ય બનાવ્યા છે : સુધા મૂર્તિ ઇન્ફોસિસ ફાઉન્ડેશનના ચેરપર્સન છે : તેમના જમાઈ ઋષિ સુનક બ્રિટનના વડાપ્રધાન હતા : પતિ નારાયણ મૂર્તિ ઈન્ફોસિસના ચેરમેન છે

 નવી દિલ્હી,તા.૫:તમે ભાગ્યે જ સાંભળ્યું હશે કે પતિ પાસે પૈસા છે અને પત્ની ખરીદી કરવા નથી જતી. પરંતુ આજે અમે જે વ્યકિતત્વ વિશે જણાવવા જઈ રહ્યા છીએ તેના પતિ પાસે ૩૬ હજાર કરોડરૂપિયાની સંપત્તિ છે. તે એક મોટી કંપનીનો માલિક છે જેમાં લાખો લોકો કામ કરે છે. તેમની પત્નીના નામે કરોડોની સંપત્તિ છે, પરંતુ તેમની સાદગી એવી છે કે તેમણે ૩૦ વર્ષથી એક પણ સાડી ખરીદી નથી. તેમની સાદગીની ચર્ચા આખી દુનિયામાં થાય છે. આજે આ વ્યકિતત્વ સંસદમાં પહોંચી ગયું છે પરંતુ તેમની સાદગી યથાવત છે.

 વાસ્તવમાં, અમે ઈન્ફોસિસના ચેરમેન નારાયણ મૂર્તિની પત્ની, ઈન્ફોસિસ ફાઉન્ડેશનના ચેરપર્સન અને રાજ્યસભા સાંસદ સુધા મૂર્તિની વાત કરી રહ્યા છીએ. દેશની સૌથી મોટી સેવાભાવી મહિલાનું સન્માન પણ તેમના નામે છે. સામાજિક ચિંતાઓના ક્ષેત્રમાં તેમના નોંધપાત્ર યોગદાન માટે તેમને બે વાર પદ્મ પુરસ્કારથી પણ સન્માનિત કરવામાં આવ્યા છે. સુધા મૂર્તિએ ૧૫૦ થી વધુ પુસ્તકો પણ લખ્યા છે અને તેમની પાસે ૭૭૫ કરોડરૂપિયાની સંપત્તિ છે. આ બધું હોવા છતાં સુધા મૂર્તિની સાદગી હંમેશા ચર્ચામાં રહે છે.

 સુધા મૂર્તિએ પોતે એક કાર્યક્રમમાં જણાવ્યું હતું કે તેણે ૩૦ વર્ષથી પોતાના માટે સાડી કેમ નથી ખરીદી. તેમણે કહ્યું કે આ નિર્ણય નાણાકીય જરૃરિયાતો અથવા પૈસાની અછતને કારણે લેવામાં આવ્યો નથી, પરંતુ તેની પાછળ ઊંડી ધાર્મિક લાગણી હતી. તેણીએ કહ્યું કે ૩૦ વર્ષ પહેલા તે કાશી ગઈ હતી, જ્યાં તેણીએ તેણીની મનપસંદ વસ્તુઓમાંથી એક છોડવાનો નિર્ણય લીધો હતો. પછી તેણે નક્કી કર્યું કે તે તેના જીવનમાં ક્યારેય પોતાના માટે સાડી નહીં ખરીદે.

 સુધા મૂર્તિએ આ નિર્ણય લીધો હતો પરંતુ તેમને હજુ પણ કપડાંની જરૃર હતી. તેથી, આજે પણ તે અન્ય લોકો દ્વારા આપવામાં આવેલા કપડાં પહેરે છે. તેની બહેનો અને મિત્રો આ વાત જાણે છે, તેથી દરેક તેને સાડીઓ ભેટમાં આપે છે. તમને જણાવી દઈએ કે ફોર્બ્સ અનુસાર, નારાયણ મૂર્તિની કુલ સંપત્તિ ૪.૪ બિલિયન ડોલર એટલે કે લગભગ ૩૬,૬૯૦ કરોડરૂપિયા છે. સુધા અને નારાયણ મૂર્તિ બંને પુસ્તકોના શોખીન છે. તમને જાણીને નવાઈ લાગશે કે તેમની પાસે ૨૦ હજારથી વધુ પુસ્તકોનો સંગ્રહ છે.

 સુધા મૂર્તિએ એક સમયે પોતાને વિશ્વની શ્રેષ્ઠ રોકાણકાર ગણાવી હતી. તેમણે કહ્યું કે નારાયણ મૂર્તિએ તેમની પાસેથી ૧૦,૦૦૦રૂપિયા લઈને ઈન્ફોસિસનો પાયો નાખ્યો હતો. આજે આ કંપનીનું માર્કેટ કેપ ૭ લાખ કરોડરૂપિયાની આસપાસ પહોંચી ગયું છે. સુધા મૂર્તિ પણ આ કંપનીમાં ૦.૯૫ ટકા હિસ્સો ધરાવે છે. તેમની પુત્રી અક્ષતા મૂર્તિએ બ્રિટિશ વડાપ્રધાન ઋષિ સુનક સાથે લગ્ન કર્યા છે.

(3:42 PM IST)