કોર્ટે અરજદારને તેની અરજી સાથે હાઈકોર્ટનો સંપર્ક કરવા જણાવ્યું હતું હાથરસ કાંડ : સુપ્રીમ કોર્ટે તપાસની અરજી પર સુનાવણી કરવાનો કર્યો ઇન્કાર
નવી દિલ્હી તા. ૧૨ : સુપ્રીમ કોર્ટે હાથરસ નાસભાગની તપાસ માટે સુપ્રીમ કોર્ટના નિવૃત્ત ન્યાયાધીશની અધ્યક્ષતામાં પાંચ સભ્યોની નિષ્ણાત સમિતિની માંગ કરતી અરજી પર સુનાવણી કરવાનો ઇનકાર કર્યો હતો. ૨ જુલાઈના રોજ નાસભાગમાં ૧૨૧ લોકોના મોત થયા હતા. CJI જસ્ટિસ ડીવાય ચંદ્રચુડ, જસ્ટિસ જે.બી. પારડીવાલા અને જસ્ટિસ મનોજ મિશ્રાની બેન્ચે કહ્યું કે આ એક હેરાન કરનારી ઘટના છે, પરંતુ તે આ મામલાને ધ્યાનમાં લઈ શકતી નથી અને હાઈકોર્ટ આવા મામલાઓનો સામનો કરવાની સત્તા ધરાવતી કોર્ટ છે. સુપ્રીમ કોર્ટે અરજદારને તેની અરજી સાથે હાઈકોર્ટનો સંપર્ક કરવા જણાવ્યું હતું.
વાસ્તવમાં, અરજીમાં એડવોકેટ વિશાલ તિવારીએ ઉત્તર પ્રદેશ સરકારને ઘટના અંગે સ્ટેટસ રિપોર્ટ રજૂ કરવા અને અધિકારીઓ, કર્મચારીઓ અને અન્ય લોકો સામે તેમની બેદરકારી બદલ કાનૂની કાર્યવાહી શરૂ કરવા માટે નિર્દેશની પણ માંગ કરી હતી.
કોઈપણ ધાર્મિક કે અન્ય કાર્યક્રમોમાં જનતાની સલામતી માટે નાસભાગ કે અન્ય ઘટનાઓ અટકાવવા માટે રાજયોને માર્ગદર્શિકા જારી કરવા નિર્દેશ આપવાની માંગ પણ કરવામાં આવી હતી. તમને જણાવી દઈએ કે સાકર વિશ્વહારી બાબા ઉર્ફે ભોલે બાબાનો સત્સંગ ૨ જુલાઈ મંગળવારના રોજ હાથરસના સિકંદરરાઉના ફૂલરાઈ મુગલગઢી ગામમાં શરૂ થયો હતો. ૮૦ હજાર લોકોની પરવાનગી છતાં ૨.૫ લાખથી વધુ લોકો સત્સંગમાં આવ્યા હતા. બાબાએ તેમના સત્સંગના અંતની જાહેરાત કરતાની સાથે જ બાબાની ખાનગી સેનાએ સ્થળની સમગ્ર વ્યવસ્થા સંપૂર્ણપણે પોતાના હાથમાં લઈ લીધી. પરંતુ બાબાની અંગત સેના કે પોલીસકર્મીઓ ભીડને સંભાળવા માટે પૂરતા ન હતા.
(3:47 PM IST)
છેલ્લા 8 દિવસમાં સૌથી લોકપ્રિય 
