કાઠમંડુ. નેપાળમાં વડાપ્રધાન પુષ્પ કમલ દહલ ઉર્ફે પ્રચંડે પોતાના પદ પરથી રાજીનામું આપી દીધું છે. કાઠમંડુ પોસ્ટ અનુસાર તેઓ સંસદમાં વિશ્વાસ મત હારી ગયા. 19 મહિના સુધી સત્તામાં રહ્યા બાદ તેમણે પીએમ પદ છોડવું પડ્યું

ફ્લોર ટેસ્ટમાં પ્રચંડને 275માંથી 63 સાંસદોનું સમર્થન મળ્યું હતું. નેશનલ એસેમ્બલીના 194 સાંસદોએ તેમની વિરુદ્ધ વોટ કર્યો. તેમને સરકાર બચાવવા માટે 138 સાંસદોના સમર્થનની જરૂર હતી. 

  આ મહિનાની શરૂઆતમાં, ચીન તરફી કેપી શર્મા ઓલીની પાર્ટી CPN-UML એ વડા પ્રધાન પુષ્પ કમલ દહલની કોમ્યુનિસ્ટ પાર્ટી ઑફ નેપાળ સાથે જોડાણ તોડવાનો નિર્ણય કર્યો હતો. આ પછી પ્રચંડની સરકાર લઘુમતીમાં આવી ગઈ. દેશના બંધારણના અનુચ્છેદ 100(2) હેઠળ તેમણે એક મહિનામાં બહુમતી સાબિત કરવાની હતી, જેમાં તેઓ આજે (શુક્રવારે) નિષ્ફળ રહ્યા હતા

  પુષ્પ કમલ દહલને 25 ડિસેમ્બર 2022ના રોજ વડાપ્રધાન તરીકે નિયુક્ત કરવામાં આવ્યા હતા. દહલે 10 જાન્યુઆરી 2023ના રોજ પ્રથમ વખત ફ્લોર ટેસ્ટનો સામનો કર્યો હતો. ત્યારબાદ તેમને 268 વોટ મળ્યા. દહલે માત્ર ત્રણ મહિના પછી બીજો વિશ્વાસ પ્રસ્તાવ જીત્યો, કારણ કે તેણે CPN-UMLથી અલગ થઈને નેપાળી કોંગ્રેસ સાથે ગઠબંધન કર્યું. તે સમયે તેમને 172 સાંસદોનું સમર્થન હતું.

  4 માર્ચના રોજ, દહલે ફરીથી કોંગ્રેસ સાથેનું જોડાણ તોડી નાખ્યું અને CPN-UML અને અન્ય પક્ષો સાથે હાથ મિલાવ્યા, તેમને ત્રીજી વખત વિશ્વાસ મત મેળવવાની ફરજ પડી. ત્યારબાદ તેમને 157 વોટ મળ્યા. આ વર્ષે મે મહિનામાં પુષ્પા કમલને ફરીથી ગૃહમાં હાજર થવું પડ્યું હતું, જ્યાં તેમણે 157 મતો સાથે ચોથી વખત ફ્લોર ટેસ્ટ પાસ કર્યો હતો. જોકે, તેને પાંચમી વખત હારનો સામનો કરવો પડ્યો હતો. .