<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 13th July 2024

IPOની ધમાકેદાર એન્ટ્રી થઇ હતી :હવે શેરે 11,66,854 રોકાણકારોને રડાવ્યા: લાગશે મોટો ફટકો ?

સોફ્ટબેંકે Paytmના શેરને ખોટમાં વેચી દીધા:હવે રોકાણકારો મુંજવણમાં મુકાયા છે કે શેર પર આ વાતની કેવી અસર પડશે.

મુંબઈ :Paytm રોકાણકારો માટે સારા દિવસોની રાહ લાંબી થઈ રહી છે. બીજી ચર્ચા બજારમાં પુરજોશમાં છે. જે રોકાણકારોના દૃષ્ટિકોણથી સારા સમાચાર નથી. મીડિયા રિપોર્ટ અનુસાર, જાપાનની Softbank Investment કંપની Softbank Vision Fund એ Paytm ના શેર વેચ્યા છે. ફંડ કંપનીએ ખોટ સહન કરવા છતાં આ શેર વેચ્યા હતા.

  રિપોર્ટ અનુસાર, સોફ્ટ બેંકે આ વેચાણ $150 મિલિયનની ખોટમાં કર્યું છે. 2017 માં, SoftBank એ Paytm (One97 Communications) માં $1.5 બિલિયનનું રોકાણ કર્યું. પરંતુ જૂન ક્વાર્ટરમાં સોફ્ટબેંકે 10 થી 12 ટકાના નુકસાને શેર વેચ્યા હતા. જે લગભગ 150 મિલિયન ડોલર છે. કંપનીઓ દરેક ક્વાર્ટરમાં શેરહોલ્ડિંગ બહાર પાડે છે. આવી સ્થિતિમાં, આ સમગ્ર મુદ્દા પર સત્તાવાર પુષ્ટિ ક્યાં તો કંપનીના નિવેદન દ્વારા ઉપલબ્ધ થશે. અથવા જ્યારે શેર હોલ્ડિંગ વિશેની માહિતી જાહેર થશે 

  Paytmના IPO પહેલા, કંપનીમાં SoftBankનો કુલ હિસ્સો 18.50 ટકા હતો. SVF ઇન્ડિયા હોલ્ડિંગ્સ (કેમેન) લિમિટેડ અને SVF પેન્થર (કેમેન) લિમિટેડ કંપનીમાં 1.2% હિસ્સો ધરાવે છે. સોફ્ટ બેંકે આ 2 કંપનીઓ મારફતે રોકાણ કર્યું હતું. SVF પેન્થરે IPO દરમિયાન તેનો સમગ્ર હિસ્સો રૂપિયા 1689 કરોડમાં વેચી દીધો હતો. 

  SoftBank એ Paytm માં 800 રૂપિયા પ્રતિ શેરના દરે રોકાણ કર્યું હતું. Paytm રૂપિયા 1955માં લિસ્ટેડ હતું, જે IPO કિંમતમાંથી 9 ટકા ડિસ્કાઉન્ટ છે. જ્યારે IPO 2150 રૂપિયામાં આવ્યો હતો. તમને જણાવી દઈએ કે, 9 મેના રોજ પેટીએમના શેર 310 રૂપિયાના સૌથી નીચલા સ્તરે પહોંચ્યા હતા. 

  Paytmની નાણાકીય સ્થિતિ વિશે વાત કરીએ તો, કંપનીને ગયા નાણાકીય વર્ષ દરમિયાન 1422.40 કરોડ રૂપિયાનું નુકસાન થયું હતું. જે નાણાકીય વર્ષ 2023 કરતા ઓછો હતો. ત્યારબાદ કંપનીને 1776.50 કરોડનું નુકસાન થયું હતું. તમને જણાવી દઈએ કે, શુક્રવારે Paytmનો શેર 467.25 રૂપિયા પર બંધ થયો હતો.

(11:34 PM IST)