મુંબઇ, તા.૧૭: જો તમે પાસપોર્ટ બનાવવાનું વિચારી રહ્યા છો તો તમારે તેના વિશે જાણવું જોઈએ. તેની મદદથી તમારા માટે તૈયાર દસ્‍તાવેજો લઈને પાસપોર્ટ કેવી રીતે બનાવી શકાય તે સમજવામાં સરળતા રહેશે.જો તમે પાસપોર્ટ બનાવવાનું વિચારી રહ્યા છો, તો અમે તમને એક સરળ પ્રક્રિયા જણાવવા જઈ રહ્યા છીએ. તેની મદદથી, તમારા માટે વસ્‍તુઓ ઘણી સરળ બની જશે. કારણ કે તમારું કામ દસ્‍તાવેજો સાથે રાખ્‍યા વિના પણ થઈ જશે. હવે તમે વિચારી રહ્યા હશો કે આ કેવી રીતે શકય છે, તો ચાલો અમે તમને તેના વિશે પણ જણાવીએ.

નિયમો બદલાયા હતા -

ગયા વર્ષે ઓગસ્‍ટમાં સરકારે નિયમોમાં ફેરફાર કર્યો હતો. હવે તમે કોઈપણ દસ્‍તાવેજ રાખ્‍યા વગર પણ પાસપોર્ટ મેળવી શકશો. તમારે ફક્‍ત ડિજીલોકર એપ પર તમામ દસ્‍તાવેજો અપલોડ કરવાના રહેશે.

ઓગસ્‍ટમાં ફેરફારો થયા-

ગયા વર્ષે ઓગસ્‍ટમાં જ વિદેશ મંત્રાલય દ્વારા નિયમોમાં ફેરફાર કરવામાં આવ્‍યો હતો. આ પછી, જે લોકો તેમની સાથે દસ્‍તાવેજો લેવાનું ભૂલી જાય છે તેમના માટે કામ ખૂબ સરળ થઈ ગયું.

દસ્‍તાવેજ કેવી રીતે અપલોડ કરવો-

તમારે દસ્‍તાવેજો અપલોડ કરવા માટે અલગથી કંઈ કરવાની જરૂર નથી. સૌ પ્રથમ, એપ્‍લિકેશન ડાઉનલોડ કરો અને પછી દસ્‍તાવેજોની વિગતો દાખલ કરો અને તમામ દસ્‍તાવેજો અપલોડ કરો.ફી- પાસપોર્ટ ફીમાં કોઈ ફેરફાર કરવામાં આવ્‍યો નથી. જો તમારે ૩૬ પેજનો પાસપોર્ટ બનાવવો હોય તો તમારે ૧૫૦૦ રૂપિયા ફી ચૂકવવી પડશે. ૬૦ પેજની ફી ૨ હજાર રૂપિયા છે. પરંતુ આ પહેલા તમારે તમામ દસ્‍તાવેજો એકત્ર કરવા પડશે.