ઈન્દોર : મુસ્લિમ સમુદાયના ૧૮ લોકોએ હિંદુ ધર્મ અપનાવ્યો
હિંદુ ધર્મ અપનાવ્યા બાદ તરત જ તેઓના ઘર પર હુમલો થતા પોલીસમાં ફરિયાદ નોંધાય
ઇન્દોર તા. ૧૮ : ઈન્દોર જિલ્લાની શાઝિયા હમરમી હવે સપના તરીકે ઓળખાશે. એ જ રીતે અલફિઝાનું નામ પણ હવે આલિયા થઈ ગયું છે. આ સિવાય મુસ્લિમ સમાજના ઘણા લોકો હવે બદલાયેલા નામથી ઓળખાશે.
ફરી એકવાર મુસ્લિમ સમુદાયના ૧૮ લોકોએ હિંદુ ધર્મ અપનાવ્યો અને ઈન્દોર શહેરના ખજરાના મંદિરમાં ઘરે પરત ફર્યા. ઘરે પરત ફરનારાઓમાં ઈન્દોરના ચંદન નગર ખજરાના સહિત દેવાસના કેટલાક પરિવારોનો સમાવેશ થાય છે. ધર્મ પરિવર્તન કરનારા લોકોએ કહ્યું કે તે સનાતન ધર્મથી પ્રભાવિત છે. તેની ન તો શરૂઆત છે કે ન તો અંત. આ કારણે તે હિંદુ ધર્મ અપનાવી રહ્યા છે એટલે કે તેઓ સનાતન ધર્મ અપનાવી રહ્યા છે.
VHP નેતા સતોષ શર્માએ જણાવ્યું કે ખજરાના મંદિરમાં મંત્રોચ્ચાર કરીને અને ગંગા જળથી હવન કરીને બધાને ઘરે પરત કરવામાં આવ્યા છે. અગાઉ, ૩ મહિના પહેલા ખજરાના મંદિરમાં મંદસૌર અને ખજરાનાના ૮ લોકોએ હિંદુ ધર્મ અપનાવ્યો હતો. તે સમયે સનાતન ધર્મમાં જોડાયા બાદ હૈદર નામના યુવકને હરિ નામ આપવામાં આવ્યું હતું. જો કે, હિંદુ ધર્મ અપનાવ્યા બાદ તરત જ હરિના ઘર પર હુમલો થયો હતો, જે અંગે પોલીસમાં ફરિયાદ નોંધાવવામાં આવી હતી
(3:17 PM IST)
છેલ્લા 8 દિવસમાં સૌથી લોકપ્રિય 
