નવી દિલ્હી. NEET-UG 2024ની પરીક્ષામાં કથિત પેપર લીક અને અનિયમિતતા સંબંધિત કેસોની સુનાવણી સુપ્રીમ કોર્ટમાં ચાલી રહી છે. સુપ્રીમ કોર્ટે કહ્યું કે આ મામલે ઉતાવળ છે અને લાખો વિદ્યાર્થીઓ આ કેસમાં પરિણામની રાહ જોઈ રહ્યા છે.

  CJIએ કહ્યું કે, પુનઃપરીક્ષા ત્યારે જ લેવામાં આવશે જ્યારે પરીક્ષાની પવિત્રતાને મોટા પાયે અસર થઈ હોય.

  સુપ્રીમ કોર્ટે ગુરુવારે કહ્યું હતું કે વિવાદોથી ઘેરાયેલા NEET-UG 2024ને નવેસરથી આયોજિત કરવાનો કોઈપણ આદેશ એ નક્કર આધાર પર હોવો જોઈએ કે સમગ્ર પરીક્ષાની પવિત્રતાને અસર થઈ છે.

  સોલિસિટર જનરલ તુષાર મહેતાના જણાવ્યા અનુસાર, ટોચના 108,000 વિદ્યાર્થીઓમાં ન હોય તેવા 131 વિદ્યાર્થીઓ ફરીથી પરીક્ષાની માંગ કરી રહ્યા છે, જ્યારે 254 વિદ્યાર્થીઓ કે જેઓ ટોચના 108,000માંથી છે તેઓ ફરીથી પરીક્ષાનો વિરોધ કરી રહ્યા છે, જ્યારે કેટલાક વિદ્યાર્થીઓ સરકારને બેઠકોની માંગણી કરી રહ્યા છે

  સુપ્રીમ કોર્ટની બેન્ચે NTA પાસેથી એવા વિદ્યાર્થીઓ અંગે સ્પષ્ટતા માંગી છે કે જેમણે પરીક્ષા કેન્દ્ર બદલ્યું છે અને ટોપ 1 લાખ આઠ હજારમાં સામેલ છે.