છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
કોંગ્રેસની કેદારનાથ પ્રતિષ્ઠા રક્ષા પદયાત્રા હરકી પૌડીથી શરૂઃ ૪ ઓગસ્ટે સમાપન
ઉત્તરાખંડની દૈવી સંસ્કૃતિ અને ધાર્મિક આસ્થા સાથે ચેડાંના વિરોધમાં સનાતન ધર્મનું ધ્યાન દોરવા કોંગ્રેસ દ્વારા આયોજન
નવી દિલ્હી,તા. ૨૪: પ્રદેશ કોંગ્રેસ અધ્યક્ષ કરણ મહારાએ કહ્યું કે, ઉત્તરાખંડની દૈવી સંસ્કૃતિ અને ધાર્મિક આસ્થા સાથે ચેડાંના વિરોધમાં સનાતન ધર્મનું ધ્યાન દોરવા કોંગ્રેસ દ્વારા કેદારનાથ પ્રતિષ્ઠા રક્ષા પદયાત્રા શરૂ કરવામાં આવી રહી છે. આ યાત્રા બુધવારે હરિદ્વારમાં હરકી પૌડીથી શરૂ થઈ છે.ﾠકોંગ્રેસ ભવનમાં પ્રેસ કોન્ફરન્સમાં મહારાએ કહ્યું કે, ભાજપ હિન્દુઓની ધાર્મિક લાગણીઓ સાથે રમત રમી રહી છે. કેદારનાથ ધામ મંદિરનો શિલાન્યાસ નવી દિલ્હીમાં કેદારનાથ ધામમાંથી પથ્થર લઈને કરવામાં આવ્યો હતો અને કેદારનાથ ધામ મંદિર ટ્રસ્ટના નામે દાન એકત્ર કરવામાં આવી રહ્યું છે. આજે પણ ટ્રસ્ટના QR કોડ પર દાન લેવામાં આવી રહ્યું છે.
વધુમાં તેમણે હ્યું કે, ભાજપ અને રાજય સરકારે જુઠ્ઠું બોલીને મંદિરોની પરંપરા અને આસ્થાને ઠેસ પહોંચાડી છે. તેની સામે પણ કાર્યવાહી થવી જોઈએ. પદયાત્રામાં પૂર્વ સીએમ હરીશ રાવત, વિપક્ષના નેતા યશપાલ આર્ય, ધારાસભ્ય પ્રીતમ સિંહ, પૂર્વ પ્રદેશ અધ્યક્ષ ગણેશ ગોડિયાલ, પૂર્વ મંત્રી નવપ્રભાત, મંત્રી પ્રસાદ નૈથાની, હીરા સિંહ બિષ્ટ અને પાર્ટીના ધારાસભ્યો, પૂર્વ ધારાસભ્યો અને પાર્ટીના અધિકારીઓ જોડાયા હતા. યાત્રામાં સતત સાથ આપવા માટે ૮૦ કાર્યકરો અને અધિકારીઓની નોંધણી કરવામાં આવી હતી.
(3:14 PM IST)
