<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 27th July 2024

વિજય માલ્યા સામે સેબીની મોટી કાર્યવાહી : શેરબજારમાં 3 વર્ષ માટે પ્રવેશ પર પ્રતિબંધ

દારૂના કારોબારી વિજય માલ્યા કિંગફિશર એરલાઈન્સ સાથે જોડાયેલા 9000 કરોડ રૂપિયાના બેંક લોન ડિફોલ્ટ કેસમાં આરોપી

સિક્યોરિટી એક્સચેન્જ બોર્ડ ઓફ ઈન્ડિયા (SEBI)એ શુક્રવારે દારૂના કારોબારી વિજય માલ્યા વિરુદ્ધ મોટી કાર્યવાહી કરી છે. રેગ્યુલેટરી બોડીએ ભાગેડુ વિજય માલ્યાને ભારતીય શેરબજારમાં વેપાર કરવા અને કોઈપણ લિસ્ટેડ કંપની સાથે 3 વર્ષ સુધી સંકળાયેલા રહેવા પર પ્રતિબંધ મૂક્યો છે.

  દારૂના કારોબારી વિજય માલ્યા કિંગફિશર એરલાઈન્સ સાથે જોડાયેલા 9000 કરોડ રૂપિયાના બેંક લોન ડિફોલ્ટ કેસમાં આરોપી છે

   હાલમાં એરલાઇન્સ બંધ છે અને માલ્યાને વર્ષ 2019માં દિલ્હીની વિશેષ અદાલતે ભાગેડુ જાહેર કર્યા હતા. અગાઉ 1 જુલાઈના રોજ મુંબઈની સીબીઆઈ કોર્ટે વિજય માલ્યા સામે રૂ. ઇન્ડિયન ઓવરસીઝ બેંકને લગતા 180 કરોડનું વોરંટ જારી કરવામાં આવ્યું હતું. મીડિયા રિપોર્ટ્સ અનુસાર, સેબીના આ નવા આદેશ બાદ વિજય માલ્યાના મ્યુચ્યુઅલ ફંડ અને અન્ય તમામ હોલ્ડિંગ સ્થિર રહેશે.

   અત્રે ઉલ્લેખનીય છે કે વિજય માલ્યા માર્ચ 2016માં દેશ છોડીને ભાગી ગયો હતો, હાલમાં તે પોતાના પુત્ર સાથે લંડનમાં છે. આ પહેલા ઈન્ડિયન ઓવરસીઝ બેંક સાથે જોડાયેલા કેસમાં સીબીઆઈએ કોર્ટને કહ્યું હતું કે વિજય માલ્યાએ જાણીજોઈને પેમેન્ટ નહીં કરીને બેંકને નુકસાન પહોંચાડ્યું છે. અગાઉ ગયા મે મહિનામાં માલ્યાના પ્રત્યાર્પણ પર વિદેશ મંત્રી એસ. જયશંકરે કહ્યું હતું કે ભારતે દેશ છોડીને ભાગી ગયેલા ભાગેડુ આર્થિક અપરાધીઓના પ્રત્યાર્પણને લગતા મામલાઓને મજબૂત રીતે રજૂ કર્યા છે.

(12:42 AM IST)