News of Sunday, 28th July 2024
દિલ્હીમાં સિવિલ સર્વિસિસની તૈયારી કરતા વિદ્યાર્થીઓના હબ તરીકે ગણાતા ક્લાસના બેઝમેન્ટમાં પાણી ભરાતા ૮-૧૦ લોકોના મોત થયાનો સ્ટુડન્ટનોઃ હાલ ૩ મૃતદેહ મળી આવ્યા
કોચિંગ સેન્ટરમાં 30 થી 35 બાળકો હતાઃ તંત્ર દ્વારા અન્ય વિદ્યાર્થીઓની શોઘખોળ ચાલુ છે

નવી દિલ્હીઃ દિલ્હીના ઓલ્ડ રાજેન્દ્ર નગરમાં આવેલ એક કોચિંગ ક્લાસમાં અજીબ ઘટના ઘટી હતી. જેમાં ક્લાસના બેઝમેન્ટમાં પાણી ભરાઇ જતા ત્રણ વિદ્યાર્થીઓના મોત નિપજ્યા છે. તંત્ર દ્વારા અન્ય વિદ્યાર્થીઓની શોઘખોળ હાથ ધરવામાં આવી છે.
MCDનો વિરોધ કરી રહેલા વિદ્યાર્થીએ સરકારના દાવા સિવાય એક અલગ જ ઘટસ્ફોટ કર્યો છે, વિદ્યાર્થીએ કહ્યું કે, MCD કહે છે કે આ એક દુર્ઘટના છે. પરંતુ હું કહીશ કે તે સંપૂર્ણ બેદરકારી છે. અડધા કલાકના વરસાદ બાદ ઘૂંટણ સુધી પાણી ભરાઈ જાય છે. આપત્તિ એ કંઈક છે જે ક્યારેક થાય છે. મારા મકાનમાલિકે જણાવ્યું કે તેઓ છેલ્લા 10-12 દિવસથી કાઉન્સિલરને કહેતા હતા કે ગટર સાફ કરો. પ્રથમ માંગ એ છે કે દોષિતો સામે કાર્યવાહી થવી જોઈએ. તાત્કાલિક માંગ છે કે ઘાયલો અને મૃત્યુનો વાસ્તવિક આંકડો જાહેર કરવામાં આવે. ડિઝાસ્ટર મેનેજમેન્ટના લોકોએ મને કહ્યું કે 8-10 લોકોના મોત થયા છે.
ભોંયરામાં લાયબ્રેરી હોવાનું તપાસમાં બહાર આવ્યું છે. પુસ્તકાલયમાં સામાન્ય રીતે 30 થી 35 બાળકો હતા. અચાનક ભોંયરામાં ઝડપથી પાણી ભરાવા લાગ્યું. વિદ્યાર્થીઓ ભોંયરામાં બેન્ચ પર ઉભા હતા. પાણીના દબાણને કારણે ભોંયરામાં કાચ ફૂટવા લાગ્યો હતો. રાજેન્દ્ર નગરના રાવ સ્ટડી સેન્ટરમાં દુર્ઘટના બાદ અનેક પંપ લગાવીને પાણી દૂર કરવામાં આવ્યું હતું. મોડી રાત સુધી સર્ચ ઓપરેશન પણ ચાલુ હતું. અભ્યાસ કેન્દ્રના વિદ્યાર્થીઓએ જણાવ્યું હતું કે અહીં પાણી ભરાવાની સમસ્યા નવી નથી. અગાઉના વરસાદ દરમિયાન પાર્કિંગની જગ્યામાં અનેક વખત પાણી ભરાઈ ગયા હતા. ઘણી વખત તો થોડું પાણી ભોંયરામાં પણ ઘૂસી ગયું હતું. આમ છતાં સ્ટડી સેન્ટર પ્રશાસને તેને ગંભીરતાથી લીધી ન હતી.
(11:11 AM IST)









છેલ્લા 8 દિવસમાં સૌથી લોકપ્રિય 
