<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Sunday, 28th July 2024

દિલ્હી, ઉત્તરાખંડ, હિમાચલ સહિતના રાજ્યો માટે ઓરેન્જ એલર્ટ:1 ઓગસ્ટ સુધી ભારે વરસાદ પડશે

ચક્રવાતી પરિભ્રમણ ઉત્તર છત્તીસગઢ અને તેની આસપાસના વિસ્તારોમાં સમુદ્ર સપાટીથી ઉપર સુધી ફેલાયું .

નવી દિલ્હી : દેશભરમાં વરસાદ ચાલુ છે. દરમિયાન, હવામાન વિભાગે ઘણા રાજ્યોમાં ભારે વરસાદની આગાહી કરી છે. IMDએ 31 જુલાઈએ દિલ્હી, ઝારખંડ, પશ્ચિમ ઉત્તર પ્રદેશ, હિમાચલ પ્રદેશ અને ઉત્તરાખંડમાં ભારે વરસાદનું ઓરેન્જ એલર્ટ જાહેર કર્યું છે.

   નાગાલેન્ડ, મિઝોરમ, મણિપુર અને ત્રિપુરામાં 30 જુલાઈથી 1 ઓગસ્ટની વચ્ચે ભારે વરસાદની શક્યતા છે. IMD અનુસાર, આગામી 24 કલાકમાં પૂર્વ રાજસ્થાનમાં વરસાદની સંભાવના છે 

    હવામાન વિભાગે મધ્ય કોંકણ, ગોવા અને મહારાષ્ટ્રના ઘણા વિસ્તારોમાં 1 ઓગસ્ટ સુધી વરસાદનું ઓરેન્જ એલર્ટ જાહેર કર્યું છે. 29મી જુલાઈએ સૌરાષ્ટ્ર અને કચ્છ સહિત ગુજરાતના અનેક વિસ્તારોમાં ભારે વરસાદની સંભાવના છે. અહીં, IMDએ 30 થી 31 જુલાઈ સુધી દિલ્હીમાં યલો એલર્ટ જાહેર કર્યું છે.

  ઉત્તરાખંડમાં વરસાદને કારણે ઘણું નુકસાન થયું છે. ભાગીરથી, અલકનંદા, મંદાકિની, પિંડાર, યમુના અને કાલી સહિત રાજ્યની તમામ મોટી નદીઓ ખતરાના નિશાનથી ઉપર વહી રહી છે. ટનકપુર તવાઘાટ રાષ્ટ્રીય ધોરીમાર્ગ ધારચુલાથી આગળ ડોબાટ ખાતે પહાડીનો મોટો ભાગ તૂટી પડ્યો, જેના કારણે NH 172 તૂટી ગયો

   ઋષિકેશમાં ગંગા નદી ચેતવણીના સ્તરે વહી રહી છે. ગંગોત્રી મંદિરમાં આરતી સ્થળ સુધી પાણી પહોંચી ગયું છે. ભારે વરસાદને કારણે હરિદ્વારમાં એલર્ટ જારી કરવામાં આવ્યું છે. દરમિયાન શનિવારે અલગ-અલગ અકસ્માતમાં ત્રણ લોકોના મોત થયા હતા.

   યુપીમાં વરસાદને કારણે અનેક જિલ્લાઓમાં પૂર જેવી સ્થિતિ પ્રવર્તી રહી છે. લખીમપુર ખેરી સૌથી વધુ પ્રભાવિત છે. અહીંના 300થી વધુ ગામોમાં પાણી ઘૂસી ગયા છે. લલિતપુરના ગોવિંદ સાગર ડેમના વધુ ચાર દરવાજા ખોલવાના હતા, જ્યારે 16 દરવાજા પહેલાથી જ ખુલ્લા હતા. આ દરમિયાન જાલૌન જિલ્લાના એક ગામમાં વીજળી પડવાથી બે લોકોના મોત થયા છે.

   મહારાષ્ટ્રમાં વરસાદને કારણે જનજીવન અસ્તવ્યસ્ત થઈ ગયું છે. પુણેમાં બુધવારે વરસાદમાં ધોવાઈ ગયેલા 26 વર્ષીય યુવકનો મૃતદેહ ચાર દિવસ પછી શનિવારે મળી આવ્યો હતો. પુણેમાં 24 જુલાઈથી અત્યાર સુધીમાં છ લોકોએ જીવ ગુમાવ્યા છે. હિમાચલ પ્રદેશમાં વરસાદ સંબંધિત ઘટનાઓમાં અત્યાર સુધીમાં 56 લોકોના મોત થયા છે.


 

(9:40 PM IST)