<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Sunday, 28th July 2024

મુન્દ્રા કસ્ટમે રૂ.100 કરોડનાં ગેરકાયદેસર માદક દ્રવ્યનો જથ્થો ઝડપ્યો

રાજકોટ સ્થિત વેપારી નિકાસકારના બે નિકાસ કન્સાઇન્મેન્ટ્સ પશ્ચિમ આફ્રિકાનાં દેશો સિએરા લિઓન અને નાઇજર માટે નિર્ધારિત હતા આશરે 110 કરોડ રૂપિયાની આંતરરાષ્ટ્રીય કિંમત સાથે ટ્રામાડોલની કુલ 68 લાખ જેટલી ગોળીઓ મળી રાજકોટ, ગાંધીનગર અને ગાંધીધામ ખાતે ફોલોઅપ સર્ચ ચાલુ

મુન્દ્રા કસ્ટમ્સનાં SIIB (સ્પેશ્યલ ઇન્ટેલિજન્સ એન્ડ ઈન્વેસ્ટિગેશન બ્રાન્ચ) દ્વારા એકઠી કરવામાં આવેલી ગુપ્ત માહિતીના આધારે, રાજકોટ સ્થિત વેપારી નિકાસકારના બે નિકાસ કન્સાઇન્મેન્ટ્સ કે જે પશ્ચિમ આફ્રિકાનાં દેશો સિએરા લિઓન અને નાઇજર માટે નિર્ધારિત હતા, જેને ડિક્લોફેનાક ટેબ અને ગેબેડોલ ટેબ તરીકે જાહેર કરવામાં આવ્યા છે, તેને અટકાવવામાં આવ્યા હતા અને તેની તપાસ કરવામાં આવી હતી. જાહેર કરાયેલી વસ્તુ કન્ટેનરનાં આગળનાં છેડેથી મળી આવી હતી.  

વિગતવાર તપાસમાં બહાર આવ્યું હતું કે, અઘોષિત દવાની પટ્ટીઓ ધરાવતા બોક્સ જેમાં 'ટ્રેમેકિંગ 225' અને 'રોયલ-225' એમ બંનેમાં ટ્રામાડોલ હાઇડ્રોક્લોરાઇડ ટેબ્લેટ 225 મિલિગ્રામ હોય છે. ન તો, સ્ટ્રીપ્સ કે ન તો બોક્સમાં ઉત્પાદકની કોઈ વિગતો હતી. કસ્ટમ અધિકારીઓ દ્વારા પરીક્ષા દરમિયાન આશરે 110 કરોડ રૂપિયાની આંતરરાષ્ટ્રીય કિંમત સાથે ટ્રામાડોલની કુલ 68 લાખ જેટલી ગોળીઓ મળી આવી હતી અને તેને જપ્ત કરવામાં આવી છે. આ મામલે રાજકોટ, ગાંધીનગર  અને ગાંધીધામ ખાતે ફોલોઅપ સર્ચ ચાલી રહ્યું છે.

જણાવી દઈએ કે, "ટ્રામાડોલ",એક ઓપિઓઇડ દર્દની દવા છે, જે એક સાયકોટ્રોપિક પદાર્થ છે અને એનડીપીએસ એક્ટ, 1985 ની કલમ 8 (સી) હેઠળ ટ્રામાડોલની નિકાસ પર પ્રતિબંધ છે. ટ્રામાડોલને વર્ષ 2018 માં એનડીપીએસ એક્ટ હેઠળ સાયકોટ્રોપિક પદાર્થ તરીકે સૂચિત કરવામાં આવી હતી. ISIS ના સભ્યોએ લાંબા સમય સુધી જાગવા માટે તેનો ઉપયોગ કર્યો હોવાના અહેવાલ પછી ટ્રામાડોલે તાજેતરના સમયમાા "ફાઇટર ડ્રગ" તરીકે બદનામી મેળવી છે. એવું પણ જાણવા મળ્યું છે કે આ કૃત્રિમ ઓપિઓઇડ દવા લોકપ્રિય છે અને નાઇજિરિયા, ઘાના વગેરે જેવા આફ્રિકન દેશોમાં તેની ઊંચી માંગ છે. કચ્છ મુન્દ્રા કસ્ટમ્સ દ્વારા આ જપ્તી એ ટ્રામાડોલની સૌથી મોટી જપ્તીમાંની એક છે કારણ કે તેને NDPS એક્ટ હેઠળ સૂચિત કરવામાં આવી હતી. આ મામલે વધુ તપાસ ચાલી રહી છે.

(10:44 PM IST)