<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 29th July 2024

શું ભારતમાં બંધ થઇ શકે છે WhatsApp? : આઈટી મંત્રી અશ્વિની વૈષ્ણવે જવાબ આપ્યો

WhatsAppની સેવા અંગે કોંગ્રેસના નેતા વિવેક ટંખા દ્વારા પૂછવામાં આવેલા પ્રશ્નનો જવાબ આપ્યો

નવી દિલ્હી :માહિતી અને પ્રસારણ મંત્રી અશ્વિની વૈષ્ણવે ભારતમાં WhatsAppની સેવા અંગે કોંગ્રેસના નેતા વિવેક ટંખા દ્વારા પૂછવામાં આવેલા પ્રશ્નનો જવાબ આપ્યો છે.

    માહિતી અને પ્રસારણ મંત્રી અશ્વિની વૈષ્ણવે સોશિયલ મેસેજિંગ પ્લેટફોર્મ વોટ્સએપને લઈને મહત્વપૂર્ણ માહિતી આપી છે. તેણે કહ્યું છે કે મેટાએ ભારતમાં તેની વોટ્સએપ સેવા બંધ કરવા અંગે સરકારને કોઈ માહિતી આપી નથી. આઈટી મંત્રીનું આ નિવેદન કોંગ્રેસ નેતા વિવેક ટંઢા દ્વારા પૂછવામાં આવેલા સવાલ પર સામે આવ્યું છે

 . કોંગ્રેસ નેતાએ પૂછ્યું હતું કે શું વોટ્સએપ યુઝર્સની વિગતો શેર કરવાની સરકારની સૂચનાઓનું પાલન ન કરવા બદલ ભારતમાં તેની સેવા બંધ કરવાની યોજના બનાવી રહ્યું છે.

  અત્રે ઉલેલ્ખનીય છે કે આ વર્ષની શરૂઆતમાં વોટ્સએપે દિલ્હી હાઈકોર્ટને ચેતવણી આપી હતી કે જો કંપનીને મેસેજનું એન્ક્રિપ્શન તોડવાની ફરજ પાડવામાં આવશે તો તે ભારતમાં કામ કરવાનું બંધ કરી દેશે. આ નિવેદન બાદ ભારતમાં વોટ્સએપ યુઝર્સ ટેન્શનમાં હતા. મેટાએ ભારતના નવા આઈટી નિયમોને સીધો પડકાર ફેંક્યો હતો. મેટા વતી કહેવામાં આવ્યું હતું કે આ નિયમો ગોપનીયતાના અધિકારનું ઉલ્લંઘન કરે છે.

   આઈટી મંત્રીએ સ્પષ્ટતા કરી છે કે રાષ્ટ્રીય સુરક્ષા અને જાહેર વ્યવસ્થા સુનિશ્ચિત કરવા માટે સોશિયલ મીડિયા પ્લેટફોર્મ સંબંધિત સરકારી સૂચનાઓ જારી કરવામાં આવી છે. આ નિયમો ભારતની સાર્વભૌમત્વ અને સુરક્ષાનું રક્ષણ કરવા અને અન્ય દેશો સાથે મિત્રતા જાળવી રાખવા માટે છે.

   આ ઉપરાંત, તેઓ એવી કોઈપણ પ્રવૃત્તિને અટકાવવાના છે જે જાહેર વ્યવસ્થા સિવાય ગુનાને ઉત્તેજિત કરી શકે.

 મેટાના સીઈઓ માર્ક ઝકરબર્ગ પહેલા જ મેસેજિંગ ટેક્નોલોજી અપનાવવા બદલ ભારતની પ્રશંસા કરી ચૂક્યા છે. માર્ક ઝકરબર્ગે કહ્યું હતું કે ભારત આ ક્ષેત્રમાં વૈશ્વિક નેતા છે. 400 મિલિયન વપરાશકર્તાઓ સાથે ભારત WhatsAppનું સૌથી મોટું બજાર છે. આ કારણથી બંને એકબીજા માટે ખૂબ જ મહત્વપૂર્ણ છે.

(9:12 PM IST)