<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 31st July 2024

ગોવા જાઓ તો રૂપકડી છોકરીઓ સાથે વાત કરતાં સાચવજો

એક પર્યટક ગોવા બીચ પર ફરવા આવ્‍યો હતો અને પૈસા વસૂલી ગેન્‍ગનો શિકાર બન્‍યો

પણજી,તા. ૩૧: ગોવાના બીચ પર મોટાભાગે લોકો રજાઓ મનાવવા અને મનોરંજન માટે જાય છે પણ વિચારો કે જો ગોવા ફરવા ગયા હોય અને તમારી સાથે કોઈ લૂંટ જેવો અકસ્‍માત થઈ જાય અથવા તમે કોઈ પૈસા વસૂલવાવાળા કોઈ રેકેટનો શિકાર બનો તો કેવું લાગશે. આવી જ એક ઘટના ગોવામાંથી સામે આવી છે. એક પર્યટક ગોવા બીચ પર ફરવા આવ્‍યો હતો અને પૈસા વસૂલી ગેન્‍ગનો શિકાર બન્‍યો. તેની પાસેથી જબરજસ્‍તી પૈસા વસૂલવામાં આવ્‍યા, જેના પછી તેણે પોલીસમાં ફરિયાદ નોંધાવી.

છેડતીનો મામલો બીજે ક્‍યાંયનો નથી પણ ગોવાનો છે. એક યુવક અહીં ફરવા આવ્‍યો હતો અને તેની સાથે બે મહિલાઓ રમી હતી અને તેને ધાકધમકી આપી પૈસા પડાવી લીધા હતા. આ કેસમાં બે મહિલાઓની સાથે એક ટેક્‍સી ડ્રાઈવરનું નામ પણ સામે આવ્‍યું છે.

ગોવા પોલીસે બે મહિલા ‘એસ્‍કોર્ટ્‍સ'ની ધરપકડ કરી છે. ધરપકડ કરાયેલી મહિલાઓ પર એક અજાણ્‍યા ટેક્‍સી ડ્રાઈવરની મદદથી દરિયા કિનારે ૧૯ વર્ષીય પ્રવાસી પાસેથી પૈસા પડાવવાનો આરોપ છે. એજન્‍સી અનુસાર, એક અધિકારીએ સોમવારે આ માહિતી આપી.

પીડિતાએ ફરિયાદ કરી છે કે દક્ષિણ ગોવાના બેતાલભાટીમ દરિયા કિનારે આવેલા એક રિસોર્ટમાં બે મહિલાઓએ તેનો સંપર્ક કર્યો હતો અને પોલીસ ફરિયાદ કરવાની ધમકી આપીને તેની પાસેથી ૪,૦૦૦ રૂપિયા પડાવી લીધા હતા. બંને આરોપી મહિલાઓની ધરપકડ કરી લેવામાં આવી છે અને ટેક્‍સી ડ્રાઈવરની શોધખોળ શરૂ કરવામાં આવી છે.

લોકો ઘણીવાર રજાઓ અને મનોરંજન માટે ગોવાના દરિયાકિનારાની મુલાકાત લે છે. પરંતુ વિચારો, ગોવાની મુલાકાત વખતે જો તમે છેતરપિંડીનો શિકાર થશો અથવા ખંડણીના રેકેટના હાથમાં આવી જાઓ તો તમને કેવું લાગશે? આવો જ એક કિસ્‍સો તાજેતરમાં ગોવામાંથી સામે આવ્‍યો છે. જયારે એક પ્રવાસી ગોવાના દરિયાકિનારાની મુલાકાત લેવા ગયો ત્‍યારે તે પૈસા પડાવતી ગેંગનો શિકાર બન્‍યો. તેની પાસેથી બળજબરીથી પૈસા પડાવી લેવામાં આવ્‍યા, ત્‍યારબાદ તેણે પોલીસમાં ફરિયાદ નોંધાવી.

(9:49 AM IST)