તા. ૧૮ નવેમ્બર ર૦ર૬ વિક્રમ સંવત ર૦૮૩ કારતક સુદ – ૯ બુધવાર
News of Wednesday, 31st July 2024
યુપીના નોઈડામાં ઝૂંપડપટ્ટીમાં લાગેલી આગમાં ત્રણ બાળકોના જીવતા સળગી જવાથી મોત : બાળકોના પિતાની હાલત નાજુક : આગના કારણ અંગે પોલીસ તપાસનો ધમધમાટ
સીએમ યોગી આદિત્યનાથે પણ આ ઘટના પર દુ:ખ વ્યક્ત કર્યું અને પીડિત પરિવારને સારી સારવાર આપવાનો નિર્દેશ આપ્યો

નોઈડા તા.૩૧ : યુપીના નોઈડામાં સેક્ટર 8 સ્થિત ઝૂંપડપટ્ટીમાં લાગેલી આગમાં ત્રણ બાળકોના જીવતા સળગી જવાથી મોત થયા છે. દાઝી જવાના કારણે બાળકોના પિતાની હાલત નાજુક છે. જો કે આગ કેવી રીતે લાગી તે હજુ સુધી બહાર આવ્યું નથી. પરંતુ ઈલેક્ટ્રીક રીક્ષાની બેટરી ઘરે ચાર્જ થઈ રહી હતી. આવી સ્થિતિમાં શોર્ટ સર્કિટના કારણે અકસ્માત સર્જાયો હોવાની આશંકા છે.
જણાવવામાં આવી રહ્યું છે કે સેક્ટર 8માં રહેતો એક વ્યક્તિ ઇલેક્ટ્રિક રિક્ષા ચલાવીને પરિવારનું ગુજરાન ચલાવતો હતો. તે રિક્ષાની બેટરી પણ ઘરે ચાર્જ કરતો હતો. દરરોજની જેમ મંગળવારે રાત્રે આખો પરિવાર જમ્યા બાદ સુઈ ગયો હતો. આ પછી બુધવારે વહેલી સવારે અચાનક ઝૂંપડામાં ભીષણ આગ લાગી હતી. જેના કારણે ઘરની અંદર સૂઈ રહેલા 10 અને 7 વર્ષની બાળકી તેમજ 5 વર્ષના છોકરાનું મોત થયું હતું. બાળકોના પિતાની હાલત ગંભીર હોવાનું કહેવાય છે. અકસ્માતની માહિતી મળતા જ પોલીસ ઘટનાસ્થળે પહોંચી ગઈ હતી અને ઘાયલોને હોસ્પિટલમાં દાખલ કરવામાં આવ્યા હતા. જ્યાં ત્રણેય બાળકો ભયાનક રીતે દાઝી ગયા હતા અને મૃત્યુ પામ્યા હતા. પિતાની હાલત નાજુક હોવાને કારણે તેમને દિલ્હીની સફદરગંજ હોસ્પિટલમાં રીફર કરવામાં આવ્યા છે. બાળકોની માતાની હાલત સામાન્ય છે. માહિતી મળતાં સીએમ યોગી આદિત્યનાથે પણ આ ઘટના પર દુખ વ્યક્ત કર્યું અને પીડિત પરિવારને સારી સારવાર આપવાનો નિર્દેશ આપ્યો છે.
બુધવારે વહેલી સવારે 4 વાગ્યાની આસપાસ બનેલા આ અકસ્માતને કારણે અફરાતફરીનો માહોલ સર્જાયો હતો. લોકોએ આગ ઓલવીને ઝૂંપડામાં સૂતેલા લોકોનો જીવ બચાવવાનો પ્રયાસ શરૂ કર્યો હતો. કોઈ ફાયર બ્રિગેડને ફોન કરી રહ્યું હતું તો કોઈ આગને વધુ પ્રસરે નહીં તે માટે પ્રયાસ કરી રહ્યું હતું. નહીંતર મોટી દુર્ઘટના સર્જાઈ શકી હોત. જે રૂમમાં પરિવારના તમામ સભ્યો સૂતા હતા. એ ઓરડો બહુ નાનો હતો. ત્યાં બેટરી પણ ચાર્જ થઈ રહી હતી. જેના કારણે ત્રણ બાળકોના આગના કારણે મોત થયા હતા. પોલીસે આ મામલે તપાસ શરૂ કરી છે. સારું થયું કે ફાયર બ્રિગેડની ગાડીઓ તાત્કાલિક ઘટનાસ્થળે પહોંચી આગને કાબૂમાં લીધી, અન્યથા નજીકના મકાનોમાં આગ લાગી હોત તો મોટી દુર્ઘટના સર્જાઈ શકી હોત.
(4:13 PM IST)









છેલ્લા 8 દિવસમાં સૌથી લોકપ્રિય 
