તા. ૭ સપ્ટેમ્બર ર૦ર૬ વિક્રમ સંવત ર૦૮૨ શ્રાવણ વદ – ૧૧ સોમવાર
News of Wednesday, 31st July 2024
દિલ્હીમાં દુર્ઘટના બાદ MCDની કાર્યવાહી:અત્યાર સુધીમાં 35 કોચિંગ બેઝમેન્ટ સીલ: 200 સંસ્થાઓને નોટિસ:ગેરકાયદે અતિક્રમણ હટાવાયા
જેસીબી મશીનની મદદથી 150 ગેરકાયદે બાંધકામો અને 72 ટીન શેડની ચંદરવો દૂર કરાયા : અનેક વસ્તુઓ જપ્ત કરાઈ

નવી દિલ્હી : દિલ્હી કોચિંગ અકસ્માત બાદ MCDની સીલ કરવાની પ્રક્રિયા ચાલી રહી છે. MCDએ વધુ પાંચ કોચિંગ બેઝમેન્ટ સીલ કર્યા છે. આ રીતે, પશ્ચિમ દિલ્હી અને દક્ષિણ દિલ્હી ઝોનમાં અત્યાર સુધીમાં 35 કોચિંગ બેઝમેન્ટ સીલ કરવામાં આવ્યા છે.
MCDએ આ જાણકારી આપી. બુધવારે (31 જુલાઈ), MCD એ પશ્ચિમ દિલ્હીમાં ત્રણ અને દક્ષિણ દિલ્હી ઝોનમાં બે કોચિંગ બેઝમેન્ટ સીલ કર્યા છે અને 200 સંસ્થાઓને નોટિસ ફટકારાઇ છે
સંયુક્ત પત્રકાર પરિષદને સંબોધતા, દિલ્હીના શિક્ષણ પ્રધાન આતિશી અને MCD મેયર શૈલી ઓબેરોયે કહ્યું કે રાજેન્દ્ર નગર, મુખર્જી નગર, લક્ષ્મી નગર અને પ્રીત વિહારમાં 30 કોચિંગ બેઝમેન્ટ સીલ કરવામાં આવ્યા છે. 200 કોચિંગ સેન્ટરોને નોટિસ આપવામાં આવી છે. MCD નિયમોની અવગણના કરનારા વધુ પાંચ બેઝમેન્ટને સીલ કરવામાં આવ્યા છે.
તેમણે કહ્યું કે MCDએ બુધવારે દક્ષિણ દિલ્હીના મગનગીર વોર્ડમાં અતિક્રમણ વિરુદ્ધ અભિયાનની પણ જાહેરાત કરી હતી. 150 ગેરકાયદે બાંધકામો દૂર કરાયા MCDની સંયુક્ત ટીમે મદનગીરમાં શીતલા માતા મંદિર અને ગુરુદ્વારા રોડ પાસેના માર્કેટમાં અતિક્રમણ સામે ઝુંબેશ શરૂ કરી હતી.
અધિકારીએ જણાવ્યું કે જેસીબી મશીનની મદદથી 150 ગેરકાયદે બાંધકામો અને 72 ટીન શેડની ચંદરવો દૂર કરવામાં આવી છે. આ દરમિયાન ઘણી વસ્તુઓ પણ જપ્ત કરવામાં આવી હતી. સંયુક્ત ઓપરેશન દરમિયાન, સ્થાનિક પોલીસની સાથે PWD અને ડિસ્કોમ પાવરની ટીમો ત્યાં હાજર હતી. ફૂટપાથ અને રોડની બંને બાજુના ગેરકાયદે સ્ટોલ અને દુકાનો પણ દૂર કરવામાં આવી હતી. અન્ય ભાગોમાંથી પણ અતિક્રમણ દૂર કરવામાં આવશે
નિવેદન મુજબ, આંબેડકર નગર સેક્ટર 4 માં MCD પ્રાથમિક શાળાની દિવાલોની નજીકના અતિક્રમણને પણ દૂર કરવામાં આવ્યા હતા. એમસીડીએ કહ્યું કે શહેરના અન્ય ભાગોમાં પણ અતિક્રમણ સામે ઝુંબેશ ચલાવવામાં આવશે.
(9:37 PM IST)









છેલ્લા 8 દિવસમાં સૌથી લોકપ્રિય 
