નવી દિલ્‍હી, તા.૬: બાંગ્‍લાદેશના ભૂતપૂર્વ વડા પ્રધાન શેખ હસીના રાજીનામું આપીને દેશ છોડ્‍યાના થોડા સમય બાદ સોમવારે સાંજે ૫:૩૬ વાગ્‍યે દિલ્‍હી પહોંચ્‍યા હતા. થોડા કલાકો પછી, બાંગ્‍લાદેશના રાષ્‍ટ્રપતિ મોહમ્‍મદ શહાબુદ્દીને જાન્‍યુઆરી ૨૦૨૪ માં ચૂંટણી પછી રચાયેલી સંસદને ભંગ કરવાની જાહેરાત કરી. વડાપ્રધાન  મોદીએ બાંગ્‍લાદેશ કટોકટી પર સુરક્ષા અંગેની કેબિનેટ સમિતિની બેઠક યોજી હતી, જ્‍યારે શેખ હસીના ગાઝિયાબાદના હિંડન એરબેઝ પર સલામત ગળહમાં છે.

બાંગ્‍લાદેશના ભૂતપૂર્વ વડાપ્રધાન શેખ હસીના છેલ્લા ૧૪ કલાકથી ગાઝિયાબાદના હિંડોન એરબેઝ પર સલામત ગળહમાં છે. તેણે ગઈ કાલે બાંગ્‍લાદેશના પનાગઢથી C130 J સુપર હકર્યુલસ એરક્રાફ્‌ટમાં ઉડાન ભરી અને ભારતમાં લેન્‍ડ કર્યું. તે બ્રિટન તરફથી ગ્રીન સિગ્નલની રાહ જોઈ રહી છે. પીએમઓ દરેક વિકાસ પર ચાંપતી નજર રાખી રહ્યું છે.

BSFના DG દલજીત ચૌધરી સતત બીજા દિવસે ભારત-બાંગ્‍લાદેશ સરહદની મુલાકાતે છે. તેઓ આજે પશ્‍ચિમ બંગાળમાં પેટ્રાપોલ ક્રોસિંગની મુલાકાત લેશે. BSF જવાનોને ભારતપ્રબાંગ્‍લાદેશ સરહદ પર ૨૪થ૭ એલર્ટ પર રહેવાની સૂચના આપવામાં આવી છે. બીએસએફના મહાનિર્દેશક સુંદરબન વિસ્‍તારની મુલાકાત લઈ ચૂકયા છે.