લોકો શેર અને મ્યુચ્યુઅલ ફંડમાં પૈસા રોકે છેઃ બેંકો બરબાદ થશે
આરબીઆઈ ગવર્નર બેંકોમાં ઘટતી ડિપોઝીટ પર ચિંતા વ્યક્ત કરી : બેંકોની લોન ગ્રોથ વધી રહી છે અને થાપણો ઘટી રહી છે.લોકો બેંકોમાં પૈસા જમા કરાવવાને બદલે અન્ય જગ્યાએ રોકાણ કરી રહ્યા છે મ્યુચ્યુઅલ ફંડમાં રૂ. ૨૧,૦૦૦ કરોડથી વધુનું રોકાણ
નવી દિલ્હી, તા.૮: SBIના તાજેતરના સંશોધન અહેવાલ મુજબ દેશની બેંકોની લોન ગ્રોથ વધી રહી છે જ્યારે થાપણોમાં તે મુજબ વધારો થઈ રહ્યો નથી. બેંકોમાં પૈસા જમા કરાવવાને બદલે લોકો મ્યુચ્યુઅલ ફંડ અને ઈક્વિટીમાં રોકાણ કરી રહ્યા છે. તાજેતરના મહિનાઓમાં માત્ર મ્યુચ્યુઅલ ફંડમાં રૂ. ૨૧,૦૦૦ કરોડથી વધુનું રોકાણ કરવામાં આવ્યું છે. ય્ગ્ત્ ગવર્નર શક્તિકાંત દાસે પણ આ અંગે ચિંતા વ્યક્ત કરી છે. આરબીઆઈની એમપીસી બેઠકમાં લેવાયેલા નિર્ણયો વિશે માહિતી આપતા, દાસે રિટેલ નાણાં વૈકલ્પિક રોકાણ માર્ગો પર જવાનો મુદ્દો ઉઠાવ્યો અને કહ્યું કે આ દેશની બેંકો માટે માળખાકીય સમસ્યાઓ ઊભી કરી શકે છે.
દાસે કહ્યું, એવું જોવામાં આવ્યું છે કે રિટેલ ગ્રાહકો માટે વૈકલ્પિક રોકાણના માર્ગો વધુ આકર્ષક બની રહ્યા છે અને બેન્કો ભંડોળના મોરચે પડકારોનો સામનો કરી રહી છે. તેનું કારણ એ છે કે બેંકોમાં થાપણ વળદ્ધિ ક્રેડિટ કરતાં પાછળ છે. આ જ કારણ છે કે બેંકોએ લોનની વધતી માંગને પહોંચી વળવા ટૂંકા ગાળાની નોન-રિટેલ ડિપોઝિટ અને જવાબદારીના અન્ય સાધનોનો વધુ આશરો લેવો પડે છે. દાસે જણાવ્યું હતું કે આનાથી બેન્કિંગ સિસ્ટમની માળખાકીય પ્રવાહિતા સમસ્યાઓ સામે આવી શકે છે. તેથી, બેંકોએ તેમના વ્યાપક નેટવર્કનો લાભ ઉઠાવીને નવીન ઉત્પાદનો અને સેવા ઓફર દ્વારા ઘરની નાણાકીય બચતને એકત્ર કરવા પર વધુ ધ્યાન કેન્દ્રિત કરવું જોઈએ.
લ્ગ્ત્ના એક સંશોધન અહેવાલ મુજબ ભારતીય બેંકોની ક્રેડિટ ગ્રોથ સતત વધી રહી છે જ્યારે તેની સરખામણીમાં ડિપોઝિટમાં ઘટાડો થયો છે. લોકો મ્યુચ્યુઅલ ફંડ અને શેરમાં મોટા પ્રમાણમાં રોકાણ કરી રહ્યા છે. તાજેતરના મહિનાઓમાં માત્ર મ્યુચ્યુઅલ ફંડમાં રૂ. ૨૧,૦૦૦ કરોડથી વધુનું રોકાણ કરવામાં આવ્યું છે. દાસે તાજેતરના એક કાર્યક્રમમાં એમ પણ કહ્યું હતું કે લોકો તેમની બચતનું રોકાણ કરવા માટે પરંપરાગત બેંકો કરતાં મૂડી બજારોને પસંદ કરી રહ્યા છે. નાણાકીય અસ્કયામતોના સંદર્ભમાં, બેંક ડિપોઝિટ ટકાવારીની દ્રષ્ટિએ સૌથી વધુ છે પરંતુ તેનો હિસ્સો ઘટી રહ્યો છે. લોકો તેમની બચત મ્યુચ્યુઅલ ફંડ, વીમા ફંડ અને પેન્શન ફંડમાં રોકાણ કરી રહ્યા છે.
(3:18 PM IST)
છેલ્લા 8 દિવસમાં સૌથી લોકપ્રિય 
