(યાસીન બ્લોચ દ્વારા) વિસાવદર :ગુલામે પંજેતન પાક મિલાદ ગૃપ-ચલાલાના પ્રમુખ અલીભાઈ બ્લોચ (મો.૭૮૭૪૪૬૦૧૬૦)ના જણાવ્યા અનુસાર સાવરકુંડલાના પીરે તરીકત સરકાર સૈયદ દાદાબાપુ પરદો કરી ગયા છે એટલે કે, ખુદાને પ્યારા થઈ ગયા છે. સમગ્ર સૌરાષ્ટ્ર-ગુજરાત અને દેશભરમાં વિશાળ અનુયાયીઓ ધરાવતા-વ્યસન મુકિતના પ્રેણેતા અને દીની અને દુન્યવી શિક્ષણના હિમાયતી પીરે તરીકત સરકાર સૈયદ દાદાબાપુની તબિયત નાદુરસ્ત થતા છેલ્લા બે-ચાર દિ'થી અમરેલી હોસ્પિટલમાં દાખલ હતા. જયાં તબીબોની અથાગ જહેમત અને ગામેગામ દુઆઓ-પ્રાર્થનાઓ સતત ચાલુ હતા..આખરે આજે રાત્રે "બાપુ" પરદો કરી ગયાના સમાચારો વાયુવેગે પ્રસરતા જ સાર્વત્રિક ગમગીની વ્યાપી ગઈ છે..દૂરદરાજથી વિશાળ અનુયાયી વર્ગે સાવરકુંડલા ભણી દોટ મુકી છે. વિશેષ વિગતો મેળવાઈ રહી છે.