નવી દિલ્હી : રેલવે રિક્રૂટમેન્ટ સેલ,નોર્થન રિઝને 4 હજારથી વધુ એપ્રેન્ટિસ પોસ્ટ્સ માટે પાત્ર ઉમેદવારો પાસેથી અરજીઓ આમંત્રિત કરી છે. રજિસ્ટ્રેશનની શરૂઆત આજથી એટલે કે શુક્રવાર 16 ઓગસ્ટ 2024 થી શરૂ થઈ ગઈ છે. જે ઉમેદવારો જરૂરી લાયકાત ધરાવતા હોય અને આ જગ્યાઓ માટે અરજી કરવાની ઈચ્છા ધરાવતા હોય તેમણે છેલ્લી તારીખ પહેલા નિયત ફોર્મેટમાં અરજી કરવી જોઈએ.

   આ ભરતી અભિયાન દ્વારા કુલ 4096 એપ્રેન્ટિસ પદો પર લાયક ઉમેદવારોની નિમણૂક કરવામાં આવશે. આ માટેની અરજીઓ શરૂ થઈ ગઈ છે અને અરજી કરવાની છેલ્લી તારીખ 16 સપ્ટેમ્બર 2024 છે. આ તારીખ પહેલા નિયત ફોર્મેટમાં ફોર્મ ભરો.

RRC NR ની આ જગ્યાઓ માટે અરજી માત્ર ઓનલાઈન કરી શકાય છે. આ કરવા માટે ઉમેદવારોએ નોર્થન રિઝનની અધિકૃત વેબસાઇટની મુલાકાત લેવી પડશે, જેનું એડ્રેસ છે – rrcnr.org. અહીંથી અરજી જ કરી શકો છો અને આ પોસ્ટ્સની વિગતો પણ જાણી શકો છો અને વધુ માહિતી મેળવી શકો છો.

આ જગ્યાઓ માટે અરજી કરવા માટે ઉમેદવારે માન્ય બોર્ડમાંથી ઓછામાં ઓછા 50 ટકા માર્ક્સ સાથે 10મી પરીક્ષા પાસ કરેલ હોય તે જરૂરી છે. ઉપરાંત, ઉમેદવાર પાસે ભારત સરકાર દ્વારા માન્યતા પ્રાપ્ત સંસ્થામાંથી NCVT/SCVT દ્વારા જાહેર કરાયેલ સંબંધિત ટ્રેડમાં ITI ડિપ્લોમા પણ હોવો જોઈએ.વય મર્યાદા વિશે વાત કરીએ તો 15 થી 24 વર્ષની વચ્ચેના ઉમેદવારો આ પોસ્ટ્સ માટે અરજી કરી શકે છે. અનામત વર્ગને સરકારી નિયમો મુજબ વયમાં છૂટછાટ મળશે. વેબસાઇટ પર યોગ્યતા સંબંધિત અન્ય વિગતો તપાસો.

આ પદો માટે અરજી કરવા માટે ઉમેદવારોએ 100 રૂપિયા ફી ચૂકવવી પડશે. SC, ST, PWBD અને મહિલા ઉમેદવારોએ કોઈ ફી ચૂકવવાની નથી.

આ ખાલી જગ્યાઓની ખાસ વાત એ છે કે ઉમેદવારોએ કોઈપણ પ્રકારની પરીક્ષામાં બેસવાની જરૂર નથી. મેરિટ તેના 10મા અને ITI ડિપ્લોમા માર્કસના આધારે બનાવવામાં આવશે. બંનેના ગુણને સમાન વેઇટેજ આપવામાં આવશે. એટલે કે, મેરિટ માટે 50 ટકા વેઇટેજ 10મા ધોરણના માર્ક્સને આપવામાં આવશે અને 50 ટકા વેઇટેજ ITI ડિપ્લોમા માર્ક્સને આપવામાં આવશે. જો બે ઉમેદવારોના ગુણ સમાન હશે તો જેની ઉંમર વધુ હશે તેને પસંદ કરવામાં આવશે. જન્મતારીખ પણ એક જ હશે તો જેણે પહેલા 10ની પરીક્ષા પાસ કરી હશે તેની પસંદગી કરવામાં આવશે