ઉત્તર-પﾍમિ ભારતમાં હળવોથી મધ્‍યમ વરસાદ પડશેઃ આગામી દિવસોમાં મધ્‍ય ભારતના વિવિધ વિસ્‍તારોમાં વરસાદની શકયતાઃ હવામાન ખાતુ

નવી દિલ્‍હીઃ હવામાન વિભાગે કેરળના વાયનાડ જિલ્લાના કેટલાક ભાગોમાં ભારે વરસાદની નારંગી ચેતવણી જારી કરી છે. એર્નાકુલમ, થ્રિસુર, કન્નુર અને કોઝિકોડ સહિત રાજ્‍યના અન્‍ય વિસ્‍તારોમાં ભારે વરસાદની સંભાવના છે. આઇએમડી એ લક્ષદ્વીપ માટે રેડ એલર્ટ જાહેર કર્યું છે.

જમ્‍મુ-કાશ્‍મીર, લદ્દાખ, ગિલગિટ-બાલ્‍ટિસ્‍તાન, મુઝફ્‌ફરાબાદ, હિમાચલ પ્રદેશ અને ઉત્તરાખંડમાં આગામી ચારથી પાંચ દિવસ દરમિયાન હળવાથી મધ્‍યમ વરસાદની શકયતા છે. જ્‍યારે પંજાબ, હરિયાણા, ચંદીગઢ, દિલ્‍હી, ઉત્તર પ્રદેશ અને રાજસ્‍થાનમાં છૂટાછવાયાથી મધ્‍યમ વરસાદ થઈ શકે છે.

આગામી સાત દિવસ દરમિયાન મધ્‍યપ્રદેશ, વિદર્ભ અને છત્તીસગઢમાં હળવાથી મધ્‍યમ વરસાદની શકયતા છે. કોંકણ, ગોવા, ગુજરાત, મધ્‍ય મહારાષ્‍ટ્ર, મરાઠવાડા, સૌરાષ્‍ટ્ર અને કચ્‍છમાં વરસાદની શકયતા છે.

પﾍમિ મધ્‍ય પ્રદેશમાં ૧૬ થી ૨૧ ઓગસ્‍ટ દરમિયાન, પૂર્વ મધ્‍યપ્રદેશમાં ૧૮ થી ૨૧ ઓગસ્‍ટ દરમિયાન, વિદર્ભ, કોંકણ અને ગોવામાં ૧૮ થી ૨૦ ઓગસ્‍ટ દરમિયાન અને છત્તીસગઢમાં ૧૫ થી ૨૧ ઓગસ્‍ટ દરમિયાન ભારે વરસાદની શકયતા છે.

સમગ્ર સપ્તાહ દરમિયાન પૂર્વ ભારતમાં હળવાથી મધ્‍યમ વરસાદની શકયતા છે. ઉત્તરપૂર્વ ભારતમાં છૂટાછવાયા વરસાદની શકયતા છે. આગામી ૨૪ કલાક દરમિયાન ઉપ-હિમાલય અને સિક્કિમમાં ભારે વરસાદની શકયતા છે.

હવામાન વિભાગે પﾍુિમ બંગાળના દરિયાકાંઠાના વિસ્‍તારોને ૧૫ થી ૧૮ ઓગસ્‍ટ દરમિયાન, બિહાર, નાગાલેન્‍ડ, મણિપુર, મિઝોરમ અને ત્રિપુરાને ૧૫ થી ૨૧ ઓગસ્‍ટ દરમિયાન, ઝારખંડમાં ૧૫ થી ૨૦ ઓગસ્‍ટ દરમિયાન, ઓડિશામાં ૧૫ થી ૧૯ ઓગસ્‍ટ દરમિયાન અને ઓડિશામાં ૧૯ ઓગસ્‍ટ દરમિયાન ચેતવણી આપી છે. ૨૧. ઓગસ્‍ટ દરમિયાન આસામ અને મેઘાલયમાં વરસાદની આગાહી કરવામાં આવી છે. (૨૨.૨૦)