નવી દિલ્હી : એક જ વારમાં સમગ્ર લોન ચૂકવી દેવા છતાં વાહન પરત ન કરવા બદલ સુપ્રીમ કોર્ટે શુક્રવારે રિકવરી એજન્ટ કંપની સામે કાર્યવાહી કરી હતી. કોર્ટે પશ્ચિમ બંગાળ સરકારને રિકવરી એજન્ટ કંપની સામે પગલાં લેવા અને બે મહિનામાં ચાર્જશીટ દાખલ કરવાનો નિર્દેશ આપ્યો છે. તેમજ પીડિત વાહન માલિકને વળતર આપવાનો આદેશ આપવામાં આવ્યો છે

   સુપ્રીમ કોર્ટે બેંકની રિકવરી એજન્ટ ફર્મને 'ગુંડાઓનું જૂથ' ગણાવી છે અને પશ્ચિમ બંગાળ પોલીસને કંપની સામે ચાર્જશીટ દાખલ કરવાનો નિર્દેશ આપ્યો છે. લોનની રકમ એક જ વારમાં સેટલ કરવા છતાં, આ પેઢીએ જપ્ત કરાયેલ વાહન તેના માલિકને પરત કર્યું ન હતું. પીડિત વાહન માલિક દેબાશીષ બોસુ રોય ચૌધરીએ બસ ખરીદવા માટે 15.15 લાખ રૂપિયાની લોન લીધી હતી. 

  સુપ્રીમ કોર્ટના જસ્ટિસ સૂર્યકાંત અને ન્યાયાધીશ ઉજ્જવલ ભુઈયાની બેંચે પીડિત વાહનના માલિક દેબાશિષ બોસુ રોય ચૌધરીને વળતર ચૂકવવાનો નિર્દેશ આપ્યો હતો. હાઈકોર્ટ દ્વારા કરવામાં આવેલા અવલોકનો અને અરજદારો દ્વારા કરવામાં આવેલી દલીલોને ધ્યાનમાં રાખીને, કોર્ટે ઠરાવ્યું હતું કે પ્રતિવાદી નંબર 4, એક રિકવરી એજન્ટ, હકીકતમાં, ગુંડાઓનું જૂથ હોય તેવું લાગે છે. જેઓ તેમની મસલ પાવરનો ઉપયોગ કરીને લોન લેનારાઓને હેરાન કરે છે.